Tokyo Olympic 2020 : ઓલિમ્પિકમાં ભારત આજે રચી શકે છે મોટો ઇતિહાસ, જાણો કોણ અપાવી શકે છે ગોલ્ડ મેડલ?
ભારતનો કુસ્તીમાં સિલ્વર મેડલ પાક્કો થઈ ગયો છે. તેમજ ગોલ્ડ મેડલ જીતવાની પણ તક ઊભી થઈ છે. 57 કિલો ફ્રી સ્ટાઇલ મેચમાં રવિ કુમારનો વિજય થયો છે. કુસ્તીમાં ભારતીય કુસ્તીબાજો સતત સારું પ્રદર્શન કરી રહ્યા છે.
Tokyo Olympic 2020 : ટોક્યો ઓલિમ્પિકમાં ભારતને વધુ એક મેડલ પાક્કો થઈ ગયો છે. ભારતના કુસ્તીબાજ રવિ કુમાર દહિયાએ સેમિફાઇનલમાં કઝાકિસ્તાનના નુરીસ્લામ સાનાએવને હરાવી ફાઇનલમાં પ્રવેશ કર્યો છે. આ સાથે ભારતનો કુસ્તીમાં સિલ્વર મેડલ પાક્કો થઈ ગયો છે. તેમજ ગોલ્ડ મેડલ જીતવાની પણ તક ઊભી થઈ છે. 57 કિલો ફ્રી સ્ટાઇલ મેચમાં રવિ કુમારનો વિજય થયો છે. કુસ્તીમાં ભારતીય કુસ્તીબાજો સતત સારું પ્રદર્શન કરી રહ્યા છે.
આજે રવિ કુમાર દહિયા ફાઇનલમાં રમશે અને સિલ્વર મેડલની ગોલ્ડમાં બદલવાનો પૂરો પ્રયાસ કરશે. ફાઇનલમાં આજે રવિનો રશિયાના જાઉર ઉગુએવ સામે રમશે. જાઉર ઉગએવ બે વાર વર્ષ 2018 અને 2019માં વર્લ્ડ ચેમ્પિયન રહી ચૂક્યા છે. જાઉરને રશિયાના બેસ્ટ રેસલર માનવામાં આવી છએ. જાઉરે અત્યાર સુધીમાં કુલ 15 આંતરરાષ્ટ્રીય ટૂર્નામેન્ટમાં ભાગ ળઈને 15 મેડલ જીત્યા છે. આ 14 મેડલમાંથી 12 તો ગોલ્ડ જીત્યા છે. જ્યારે બીજી તરફ ભારતીય રેસલર રવિ દહિયાએ 2020 અને 2021માં એશિયન ચેમ્પિયનશિપમાં ગોલ્ડ મેડલ જીત્યો હતો. તેમણે 2018માં અંડર-23 ચેમ્પિયનશિપમાં પણ સિલ્વર મેડલ અને 2019 વર્લ્ડ ચેમ્પિયનશિપમાં બ્રોન્ઝ મેડલ જીત્યો હતો.
ભારતીય પહેલવાન રવિ દહિયા અને રશિયાના રેસલર ઉગએવ ઓલિમ્પિક પહેલા પણ એકબીજાનો સામનો કરી ચૂક્યા છે. બંનેને આ પહેલા વર્લ્ડ ચેમ્પિયનશિપ 2019માં સામસામે લડ્યા હતા. આ મેચમાં રવિએ ઉગુએવને ભારે ટક્કર આપી હતી. પરંતુ રવિ 6-4થી હારી ગયા હત. રવિ આજે ઓલિમ્પિક ફાઇનલમાં રશિયન રેસલ ઉગુએવને હરાવીને આ હારનો બદલો લેવાનો પુરો પ્રયાસ કરશે.
કુશ્તીબાજ રવિ કુમાર દહિયાએ બુધવારે સવારે જ 57 કિગ્રા કેટેગરીમાં અને દીપક પૂનિયાએ 86 કિગ્રા કેટેગરીમાં ક્વાર્ટર ફાઈનલમાં જીતીને પ્રવેસ કર્યો હતો. રવિ દહિયાએ બલ્ગેરિયા સામેની મેચ 14-4થી જીતી હતી જ્યારે દિપકે છેલ્લી સેકન્ડે ચીનના શેનને 6-3થી હરાવ્યો હતો. રવિનો મુકાબલો કઝાખસ્તાનના નુરીસ્લામ સનાયેવ સાથે હતો ને તેમાં રવિ દહિયાએ 9-7થી જીત મેળવી છે. રવિ દહિયાએ સાનાયેવને પછાડીને તેને જમીન સરસો રાખીને જીત મેળવી હતી. રવિએ પણ છેલ્લી ઘડીએ પાસુ પલટીને મેચ જીતી લીધી હતી. હવે દીપક પૂનિયાનો સામનો સેમિફાઇનલમાં અમેરિકાના ડેવિડ મોરિસ ટેલર સાથે થશે.
ઓલિમ્પિકમાં હોકી પછી રેસલિંગ એવી રમત છે, જેમાં ભારતે શાનદાર પ્રદર્શન કર્યું છે. ભારતે અત્યાર સુધીમાં રેસલિંગમાં પાંચ મેડલ જીત્યા છે. સૌથી પહેલો મેડલ 1952માં હેલસિંકી ઓલિમ્પિકમાં કે. ડી. જાધવે જીત્યો હતો. આ ફછી 2008માં બેઇજિંગ ઓલિમ્પિકમાં સુશીલ કુમારે બ્રોન્ઝ અને 2012 લંડન ઓલિમ્પિકમાં સિલ્વર જીત્યો હતો. લંડન ઓલિમ્પિકમાં યોગેશ્વર દત્તને બ્રોન્ઝ અને 2016માં રિયો ઓલિમ્પિકમાં સાક્ષી મિલકને બ્રોન્ઝ મેડલ મળ્યો હતો. હવે જો આજે રવિ દહિયા ગોલ્ડ મેડલ જીતે છે તો ભારતના એવા પહેલા રેસલર બનશે, જેમણે ગોલ્ડ મેડલ જીત્યો હશે. રવિ દહિયા અને જાઉર ઉગુએવ વચ્ચે ફાઇનલ બાઉટ ભારતીય સમય પ્રમાણે 4.20 વાગ્યે શરૂ થશે.
ટોપ સ્ટોરી
ટ્રેન્ડિંગ સમાચાર
