પ્રૉ કબડ્ડી લીગમાં પરદીપ નરવાલના નામે છે આ ત્રણ મોટા રેકોર્ડ, જાણો વિગતે

પરદીપ નરવાલે સૌથી પહેલા બેંગ્લુરુ બુલ્સની સાથે પોતાની કબડ્ડી કેરિયરની શરૂઆત કરી હતી. બીજી સિઝનમાં તેને માત્ર છ મેચોમાં જ રમવાનો મોકો મળ્યો હતો

Kabaddi

નવી દિલ્હીઃ વર્ષ 2014માં શરૂ થયેલી પ્રૉ કબડ્ડી લીગ ભારતમાં ખુબ લોકપ્રિય બની રહી છે. અત્યાર સુધી તેની કુલ સાત સિઝન રમાઇ ચૂકી છે, અને આગામી 22મી ડિસેમ્બરથી આઠમી સિઝનની શરૂઆત થશે. પરંતુ આ સાતેય સિઝનમાં કેટલાક ખેલાડીઓ એવા રહ્યાં છે જેઓએ પોતાના નામે ખાસ રેકોર્ડ નોંધાવી દીધા છે. આવો જ એક પ્રૉ કબડ્ડી લીગનો ખેલાડી છે પરદીપ નરવાલ. પ્રૉ કબડ્ડી લીગની બીજી સિઝનમાં ડેબ્યૂ કરનારો પરદીપ નરવાલ અત્યારે ખુબ ચમકી રહ્યો છે, જાણો તેના નામે નોંધાયેલા બેસ્ટ ત્રણ રેકોર્ડ.......... 

પરદીપ નરવાલે સૌથી પહેલા બેંગ્લુરુ બુલ્સની સાથે પોતાની કબડ્ડી કેરિયરની શરૂઆત કરી હતી. બીજી સિઝનમાં તેને માત્ર છ મેચોમાં જ રમવાનો મોકો મળ્યો હતો, અને આ મેચોમાં તે માત્ર નવ જ પૉઇન્ટ હાંસલ કરી શક્યો હતો. 

પ્રૉ કબડ્ડી લીગમાં પરદીપ નરવાલના નામે રહ્યાં છે આ મોટા રેકોર્ડ- 

(1) પ્રૉ કબડ્ડી લીગના ઇતિહાસમાં સૌથી વધુ રેડ પૉઇન્ટ -1160
રેડિંગમાં સતત પ્રભાવી પ્રદર્શન કરનારા પરદીપ 107 મેચોમાં 1160 રેડ પૉઇન્ટ હાંસલ કરી ચૂક્યો છે. આ પછી આ લિસ્ટમાં બીજા નંબર પર રાહુલ ચૌધરી છે, તેને 955 પૉઇન્ટ છે. 

(2) એક સિઝનમાં સૌથી વધુ પૉઇન્ટ્સ - 369
પાંચમી સિઝનમાં નરવાલે 26 મેચોમાં 369 પૉઇન્ટ હાંસલ કર્યા હતા. પટના સાથે સતત બે વાર લીગ ટાઇટલ જીત્યુ હતુ, અને ખુદને મુખ્ય હથિયાર બનાવ્યુ હતુ.

(3) એક રેડમાં સૌથી વધુ પૉઇન્ટ્સ -8 
પરદીપ નરવાલે પાંચમી સિઝનમાં હરિયાણા વિરુદ્ધ એક જ રેડમાં સૌથી વધુ આઠ પૉઇન્ટ હાંસલ કર્યા હતા. 

 

 

આ પણ વાંચો--