જાણો કોણ છે સચિન તેંડુલકરનો આ બાળપણનો મિત્ર, જેની સાથે તેમની તસવીર થઈ રહી છે વાયરલ

સચિન અને અતુલ બન્નેએ ગુરુ રમાકાંત આચરેકર પાસેથી ક્રિકેટ શીખ્યા હતા. સચિનના મુશ્કેલીના સમયમાં અતુલ હંમેશા તેની સાથે રહ્યા, ત્યાં સુધી કે જ્યારે સચિન ટેનિસ એલ્બોની સમસ્યાની પીડાતા હતા ત્યારે તેની કારકિર્દી જોખમમાં હતી ત્યારે અતુલ જ હતા જેણે તેમનો સાથ નિભાવ્યો અને તેમને મોટિવેટ કર્યા હતા.

સચિન અને અતુલ બન્ને 1970ના દાયકામાં મુંબઈના સાહિત્ય સહવાસ કોલોનીમાં રહેતા હતા. અતુલ સચિન કરતાં એક વર્ષ મોટા છે. અતુલ કસ્ટમ વિભાગમાં નોકરી કરે છે પરંતુ અતુલે 6 ફર્સ્ટ ક્લાસ ક્રિકેટ મેચ રમ્યા છે, ભલે અતુલનો ક્રિકેટ સાથે આટલો જ સંબંધ રહ્યો હોય પરંતુ તે સચિનના દરેક સુખ-દુઃખમાં સાથે રહ્યા છે.

ફિલ્મમાં બાળપણના અનેક કિસ્સા બતાવવામાં આવ્યા છે. ખાસ કરીને તેના મિત્રો સાથે તે જે રીતે મસ્તી કરતા હતા. તેવી જ એક બાળપણની યાદો દર્શાવતી એક તસવીર સચિને સોશિયલ મીડિયા પર શેર કરી છે. સચિને તેના મિત્ર અતુલ રાણાડે સાથેની આ તસવીર શેર કરી છે. સાથે સચિને લખ્યું છે, અતુલ રાણાડે, આ જીવનયાત્રામાં અમેત્યારે પણ મિત્ર હતા અને આજે પણ અમે મિત્ર છીએ.

મુંબઈઃ ક્રિકેટના ભગવાન તરીકે ઓળખાતા સચિન તેંડુલકરને યારોના યાર કહીએ તો ખોટું નથી. સચિન પોતાની ફિલ્મ સચિનઃ અ બિલિયન ડ્રીમ્સમાં મિત્રોને પોતાના જીવનનો મહત્ત્વનો હિસ્સો ગણાવ્યો હતો.