રોમાચંક ટેસ્ટમાં શ્રીલંકાએ સાઉથ આફ્રિકાને 1 વિકેટથી આપી હાર, કુશલ પરેરાની શાનદાર બેટિંગ

ડરબનઃ સાઉથ આફ્રિકાએ મેચ જીતવા આપેલા 304 રનનો લક્ષ્યાંક શ્રીલંકાએ 9 વિકેટ ગુમાવીને હાંસલ કરી લીધો હતો. એક તબક્કે યજમાન સાઉથ આફ્રિકાની જીત નિશ્ચિત લાગતી હતી પરંતુ કુશલ પરેરા (અણનમ 153)ની કરિયરની સર્વશ્રેષ્ઠ ઈનિંગ અને વિશ્વ ફર્નાડો(અણનમ 6) વચ્ચે 10મી વિકેટ માટે થયેલી અણનમ 78 રનની પાર્ટનરશિપના કારણે શ્રીલંકાએ પ્રથમ ટેસ્ટના ચોથા દિવસે એક વિકેટથી રોમાંચક જીત મેળવી હતી. સાઉથ આફ્રિકાને પ્રથમ ઈનિંગમાં મળી 44 રનની લીડ દક્ષિણ આફ્રિકાએ પ્રથમ ઈનિંગમાં 235 રન બનાવ્યા હતા, જેની સામે શ્રીલંકા પ્રથમ ઈનિંગમાં 191 રનમાં ઓલઆઉટ થઈ જતાં આફ્રિકાને 44 રનની લીડ મળી હતી. દક્ષિણ આફ્રિકા બીજી ઈનિંગમાં 259 રનમાં ઓલ આઉટ થતાં શ્રીલંકાને જીતવા 304 રનનો લક્ષ્યાંક મળ્યો હતો. શ્રીલંકાએ ચોથી ઈનિંગમાં 226 રનમાં જ ગુમાવી દીધી હતી 9 વિકેટ શ્રીલંકાએ 226 રન સુધીમાં જ 9 વિકેટ ગુમાવી દીધી હતી ત્યારે સાઉથ આફ્રિકાની જીત હાથ વેંતમાં લાગતી હતી. પરંતુ તે બાદ કુશલ પરેરા અને વિશ્વ ફર્નાડોએ શ્રીલંકાને અકલ્પનીય જીત અપાવી હતી. પરેરાએ 200 બોલનો સામનો કર્યો હતો. જેમાં તેણે 12 ચોગ્ગા અને પાંચ છગ્ગાની મદદથી 153 રનની અણનમ ઈનિંગ રમી હતી. શ્રીલંકા શ્રેણીમાં 1-0થી આગળ કુશલ પરેરાની તેની શાનદાર ઈનિંગ માટે મેન ઓફ ધ મેચ જાહેર કરવામાં આવ્યો હતો. જીત સાથે જ શ્રીલંકાએ બે મેચની ટેસ્ટ શ્રેણીમાં 1-0ની લીડ લઇ લીધી છે.