FIFA World Cup Spain vs Costa Rica: ફિફા વર્લ્ડકપમાં સ્પેનની ધમાકેદાર જીત, કોસ્ટા રિકાને 7-0થી આપી હાર
આ રીતે સ્પેનની ટીમે પ્રથમ હાફમાં 3-0ની સરસાઈ મેળવી લીધી હતી
FIFA World Cup Spain vs Costa Rica: કતાર દ્વારા આયોજિત ફિફા વર્લ્ડ કપ 2022 સીઝનમાં સ્પેનની ટીમે ધમાકેદાર શરૂઆત કરી હતી. સ્પેનિશ ટીમે પોતાની પ્રથમ મેચમાં કોસ્ટા રિકાને 7-0થી ખરાબ રીતે હરાવ્યું છે. આ જીત સાથે સ્પેનના ત્રણ પોઈન્ટ્સ થઈ ગયા છે.
The perfect start for Spain 🇪🇸@adidasfootball | #FIFAWorldCup
— FIFA World Cup (@FIFAWorldCup) November 23, 2022
ફિફાની વર્લ્ડ રેન્કિંગમાં છઠ્ઠા ક્રમે રહેલા સ્પેને કોસ્ટા રિકાને આ મેચમાં વાપસી કરવાની તક આપી ન હતી. સ્પેને પ્રથમ હાફમાં જ ત્રણ ગોલ કર્યા હતા. આ સાથે જ કોસ્ટા રિકાની ટીમ FIFA વર્લ્ડ રેન્કિંગમાં 31મા નંબર પર છે.
સ્પેને પ્રથમ હાફમાં જ ત્રણ ગોલ કર્યા હતા
મેચમાં સ્પેને શરૂઆતથી જ પકડ બનાવી રાખી હતી. મેચનો પહેલો ગોલ સ્પેનના ડેની ઓલ્મોએ 11મી મિનિટે જ કર્યો હતો. આ પછી બીજો ગોલ 21મી મિનિટે થયો હતો. આ સફળતા સ્પેનિશ ખેલાડી માર્કો એસેન્સિયોએ પણ મેળવી હતી. ત્યારબાદ ત્રીજો ગોલ પણ સ્પેનના ફેર્રાન ટોરેસે 31મી મિનિટે કર્યો હતો.
આ રીતે સ્પેનની ટીમે પ્રથમ હાફમાં 3-0ની સરસાઈ મેળવી લીધી હતી. ત્યાર પછી એવું લાગતું હતું કે કોસ્ટા રિકાની ટીમ બીજા હાફમાં કંઈક ખાસ બતાવશે. બીજા હાફમાં પણ સ્પેને પોતાનો દબદબો જાળવી રાખ્યો હતો અને ચોથો ગોલ પણ કર્યો હતો.
બીજા હાફમાં સ્પેનનો દબદબો રહ્યો હતો
બીજા હાફની શરૂઆતમાં ફરી એકવાર સ્પેને તેની રમત ચાલુ રાખી હતી. પ્રથમ હાફની જેમ બીજા હાફમાં પણ સ્પેને કોસ્ટા રિકાની ટીમને રમતમાં વાપસી કરવાની કોઈ તક આપી ન હતી અને પોતાનું વર્ચસ્વ જાળવી રાખ્યું હતું. બીજા હાફમાં સ્પેને 54મી મિનિટે જ ચોથો ગોલ કર્યો હતો. આ સફળતા ફરી ફેરન ટોરેસ દ્વારા હાંસલ કરવામાં આવી હતી. આ મેચમાં તેનો સતત બીજો ગોલ હતો.
મેચ છેલ્લા રાઉન્ડમાં પ્રવેશવાની હતી ત્યારે સ્પેનિશ ટીમે વધુ ત્રણ ગોલ કર્યા હતા. મેચનો પાંચમો ગોલ સ્પેનના ગાવીએ 74મી મિનિટે કર્યો હતો. મેચનો નિર્ધારિત સમય પૂરો થવામાં હતો ત્યારે 90મી મિનિટે કાર્લોસ સોલેરે છઠ્ઠો ગોલ કર્યો હતો. આ પછી વધારાનો સમય મળવા અલ્વારો મોરાટાએ ટીમ માટે સાતમો ગોલ કર્યો.
ટ્રેન્ડિંગ સમાચાર
ટોપ સ્ટોરી
