ઇન્સ્ટાગ્રામ પર પોતાની એક પોસ્ટ માટે વિરાટ કોહલીને મળે છે આટલા કરોડ રૂપિયા...

દરેક લોકો કોહલીને રન બનાવતો જોવા માટે ઉત્સુક રહે છે. ક્રિકેટના મેદાનની બહાર પણ વિરાટ પોતાની સ્ટાઈલ અને ફેશનના કારણે ચર્ચામાં રહે છે. ભારતના અન્ય ખેલાડીઓના મુકાબલે તે આ રેસમાં ઘણો આગળ નીકળી ગયો છે. આ જ કારણે મોટાભાગની કંપનીઓ તેને પોતાની બ્રાન્ડ સાથે જોડવા માંગે છે. ફોર્બ્સ મેગેઝીનની રિપોર્ટ અનુસાર વિરાટ ભારતનો સૌથી વધુ કમાણી કરતો ક્રિકેટર છે.

નવી દિલ્હીઃ ટીમ ઇન્ડિયાના કેપ્ટન વિરાટ કોહલી હાલમાં સળતાના ઘોડા પર સવાર છે. એક બાજુ તે શાનદાર બેટિંગ કરી રહ્યા છે તો બીજી બાજુ તેની કેપ્ટનશીપમાં ભારત એક પછી એક જીત મેળવી રહી છે. ક્રિકેટમાં મેચમાં કોહલીની સફળતાની અસર તેની કમાણીમાં પણ જોવા મળી રહી છે. હાલમાં જ જારી થયેલ ફોર્બ્સના અહેવાલ અનુસાર ફુટબોલના બાદશાહ લિયોનેલ મેસીથી પણ વધારે માર્કેટેબલ પ્લેયર છે કોહલી. એટલે કે તેની બ્રાન્ડ વેલ્યૂ મેસીથી પણ વધારે છે.