Ind Vs Eng: રાષ્ટ્રપતિ કોવિંદ આવતીકાલે દુનિયાના સૌથી મોટા મોટેરા ક્રિકેટ સ્ટેડિયમનું કરશે ઉદ્ઘાટન

ભારત અને ઇંગ્લેન્ડ વચ્ચે ચાર ટેસ્ટ શ્રેણીની ત્રીજી મેચ 24 ફેબ્રુઆરીએ અમદાવાદના નવનિર્મિત મોટેરા સ્ટેડિયમ ખાતે રમાવાની છે.

અમદાવાદઃ ભારત અને ઇંગ્લેન્ડ વચ્ચે ચાર ટેસ્ટ શ્રેણીની ત્રીજી મેચ 24 ફેબ્રુઆરીએ અમદાવાદના નવનિર્મિત મોટેરા સ્ટેડિયમ ખાતે રમાશે. રાષ્ટ્રપતિ રામનાથ કોવિંદ આવતીકાલે સ્ટેડિયમને ખુલ્લું મુકશે. આ પ્રસંગે ગૃહમંત્રી અમિત શાહ સહિત બીસીસીઆઈ, ગુજરાત ક્રિકેટ એસોસિએશનના હોદ્દેદારો ઉપસ્થિત રહેશે. મેચને નિહાળવા માટે રાષ્ટ્રપતિ રામનાથ કોવિંદ ગાંધીનર સ્થિત રાજભવનથી સીધા મોટેરા સ્ટેડિયમ જશે. તેઓ 11.30 વાગ્યે સ્ટેડિયમનું ઉદ્ઘાટન કરશે અને ત્યાર બાદ ભારત અને ઈંગ્લેન્ડ વચ્ચેની ટેસ્ટ મેચ નિહાળશે. રાષ્ટ્રપતિ કોવિંદ ત્રણ વાગ્યા સુધી મેચ નિહાળશે અને ત્યાંથી સીધા અમદાવાદ એરપોર્ટ માટે રવાના થશે. 3.30 વાગ્યે એરપોર્ટથી દિલ્હી માટે રવાના થશે. સીરિઝ 1-1થી બરાબર હાલ ચાર ટેસ્ટ મેચની સીરિઝ 1-1થી બરાબર છે. તેથી બંને ટીમો ડે નાઇટ ટેસ્ટ મેચ જીતીને સીરિઝમાં લીડ લેવા માંગશે. પ્રથમ ટેસ્ટમાં ઈંગ્લેન્ડનો 227 રનથી વિજય થયો હતો. જ્યારે બીજી ટેસ્ટમાં ભારતે ઈંગ્લેન્ડને 317 રનથી હરાવી શ્રેણી સરભર કરી હતી. કેટલા વાગે શરૂ થશે મેચ ભારતીય સમય મુજબ બપોરે 2.30 કલાકે મેચ શરૂ થશે. 2.00 કલાકે ટોસ થશે. ટેસ્ટ મેચનું લાઇવ ટેલિકાસ્ટ સ્ટાર સ્પોર્ટ્સ નેટવર્ક પરથી થશે. જ્યારે ઓનલાઈન સ્ટ્રીમિગ હોટસ્ટાર નેટવર્કથી જોઈ શકાશે.