પાણીપુરી વેચતો હતો આ ક્રિકેટર, 17 વર્ષે બેવડી સદી ફટકારવાનો બનાવ્યો વર્લ્ડ રેકોર્ડ

ઉત્તર પ્રદેશના ભદોહીના આ કિશોર માટે ક્રિકેટ બનવાની સફર સરળ રહી નથી.

મુંબઇઃમુંબઈના યુવા બેટ્સમેન યશસ્વી જાયસ્વાલે બુધવારે વિજય હજારે ટ્રોફીમાં બેવડી સદી ફટકારનારો ત્રીજો બેટ્સમેન બની ગયો હતો. તેણે ઝારખંડ સામે ગ્રુપ-એ મેચમાં 203 રનની શાનદાર ઈનિંગ રમી હતી. જેની સાથે જ તે લિસ્ટ એ અને વન ડેમાં બેવડી સદી ફટકારનારો સૌથી યુવા બેટ્સમેન બની ગયો છે. યશસ્વીએ આ પરાક્રમ કર્યું ત્યારે તેની ઉંમર 17 વર્ષ, 292 દિવસ છે. ઉત્તર પ્રદેશના ભદોહીના આ કિશોર માટે ક્રિકેટ બનવાની સફર સરળ રહી નથી. જ્યારે તે 2012માં ક્રિકેટના સપના સાથે પોતાના કાકા પાસે મુંબઇ પહોંચ્યો હતો ત્યારે તે ફક્ત 11 વર્ષનો હતો. કાકા પાસે એટલું મોટું ઘર નહોતું કે તે યશસ્વીને પોતાની પાસે રાખી શકે. તે એક ડેરીમાં સૂતો હતો. બે સમયનું જમવા માટે ફૂડ વેન્ડરને ત્યાં કામ કરવાનું શરૂ કર્યું. રાત્રે તે પાણીપુરી વેચતો હતો.

At 17 years 292 days Mumbai's Yashasvi Jaiswal has just become the youngest to score a double hundred in all List A cricket, breaking the previous record by almost 3 years! #VijayHazare

— Rajneesh Gupta (@rgcricket) October 16, 2019

21મી સદીમાં પેદા થયેલા યશસ્વી જાસવાલ લિસ્ટ-એમાં બેવડી સદી ફટકનાર પ્રથમ ક્રિકેટર છે. યશસ્વી જાસવાલે 154 બોલની ઇનિંગમાં 17 ચોગ્ગા અને 12 સિક્સ ફટકારી હતી. યશસ્વી પહેલા આ રેકોર્ડ દક્ષિણ આફ્રિકાના એલન બોરોના નામે હતો. તેણે 1975માં સાઉથ આફ્રિકામાં ઘરેલુ ક્રિકેટમાં બેવડી સદી ફટકારી ત્યારે તેની ઉંમર 20 વર્ષ 273 દિવસ હતી. વર્તમાન ટુર્નામેન્ટમાં બેવડી સદી ફટકારનારો તે બીજો બેટ્સમેન છે. યશસ્વીએ 154 બોલમાં 203 રન ફટકાર્યા હતા. જેમાં તેણે 12 છગ્ગા અને 17 ચોગ્ગા માર્યા હતા. આ અગાઉ 2014 યશસ્વી ચર્ચામાં આવ્યો હતો ત્યારે તેણે 12 વર્ષની ઉંમરમાં Giles Shield  સ્કૂલ મેચમાં અંજુમન ઇસ્લામ હાઇસ્કૂલ તરફથી રમતા અણનમ 319 રન ફટકાર્યા હતા. એટલું જ નહી રાજા શિવાજી વિદ્યામંદિર (દાદર) વિરુદ્ધ આ મેચમાં 99 રન આપીને 13 વિકેટ ઝડપી હતી.

Another World Record!!! Yashasvi Jaiswal's 504 runs are the most by ANY batsman in his first five List A innings. Previous record was held by South African legend Graeme Pollock with 493 runs. #VijayHazare #VijayHazareTrophy

— Rajneesh Gupta (@rgcricket) October 16, 2019

આ પહેલા વિકેટકિપર બેટ્સમેન સંજુ સેમસને કેરલ તરફથી રમતા ગોવા સામે અણનમ 212 રન બનાવી ઈતિહાસ રચ્યો હતો. તે વિજય હજારે ટુર્નામેન્ટમાં એક મેચમાં સૌથી વધારે રન બનાવનારો બેટ્સમેન છે.આ સાથે જાયસ્વાલ લિસ્ટ એ ક્રિકેટમાં બેવડી સદી ફટકારનારો નવમો ભારતીય બેટ્સમેન બની ગયો છે. ભારતીય બેટ્સમેનો દ્વારા લિસ્ટ-એમાં લગાવવામાં આવેલી નવ બેવડી સદીમાંથી પાંચ વન ડેમાં નોંધાઈ છે. જેમાં રોહિત શર્માના નામે ત્રણ અને સચિ તથા સેહવાગના નામે એક-એક બેવડી સદી છે.

Another World Record!!! Yashasvi Jaiswal's 504 runs are the most by ANY batsman in his first five List A innings. Previous record was held by South African legend Graeme Pollock with 493 runs. #VijayHazare #VijayHazareTrophy

— Rajneesh Gupta (@rgcricket) October 16, 2019