BSNL BiTV: હવે 450+ લાઇવ ટીવી ચેનલ મફતમાં જુઓ, BSNLના આ પ્લાને મચાવી દીધી ધમાલ

BSNL BiTV: BSNL એ તેના સત્તાવાર X (ટ્વિટર) એકાઉન્ટ પર જાહેરાત કરી છે કે ₹99 ના સૌથી સસ્તા વૉઇસ-ઓન્લી પ્લાન ધરાવતા ગ્રાહકો પણ BiTV નો ઉપયોગ સંપૂર્ણપણે મફતમાં કરી શકે છે

(તસવીર- એબીપી લાઇવ)

Source : એબીપી અસ્મિતા

BSNL BiTV: સરકારી ટેલિકૉમ કંપનીઓમાંની એક ભારત સંચાર નિગમ લિમિટેડ (BSNL) એ તેના ગ્રાહકો માટે BiTV લૉન્ચ કર્યું છે. તે એક ડાયરેક્ટ-ટૂ-મોબાઇલ ટીવી સેવા છે જે 450 થી વધુ લાઇવ ટીવી ચેનલોની મફત ઍક્સેસ પ્રદાન કરે છે. BSNL એ OTT Play સાથે ભાગીદારીમાં આ સેવા શરૂ કરી છે, જેથી દેશભરના મોબાઇલ યૂઝર્સને કોઈપણ વધારાના ચાર્જ વિના તેનો ઉપયોગ કરી શકે.

ઓછી કિંમતમાં લાઇવ ટીવીવો આનંદ 
BSNL એ તેના સત્તાવાર X (ટ્વિટર) એકાઉન્ટ પર જાહેરાત કરી છે કે ₹99 ના સૌથી સસ્તા વૉઇસ-ઓન્લી પ્લાન ધરાવતા ગ્રાહકો પણ BiTV નો ઉપયોગ સંપૂર્ણપણે મફતમાં કરી શકે છે. આ માટે તેમને કોઈ વધારાનો ચાર્જ ચૂકવવો પડશે નહીં. આ પગલું ટેલિકોમ રેગ્યૂલેટરી ઓથોરિટી ઓફ ઈન્ડિયા (TRAI) ના નિર્દેશોને અનુસરીને લેવામાં આવ્યું છે, જેમાં સસ્તા વૉઇસ-ઓન્લી પ્લાન રજૂ કરવાનું કહેવામાં આવ્યું હતું.

BSNL ના વૉઇસ-ઓનલી પ્લાન 

99 રૂપિયા વાળો પ્લાન 
વેલિડિટી: 17 દિવસ 
ફાયદા: ભારતમાં કોઇપણ નંબર પર અનલિમીટેડ ફ્રી કૉલિંગ 

439 રૂપિયા વાળો પ્લાન 
વેલિડિટી: 90 દિવસ 
ફાયદા: અનલિમીટેડ કૉલિંગ + 300 ફ્રી SMS

BiTV શું છે ?
BiTV એ BSNL ની ડાયરેક્ટ-ટૂ-મોબાઇલ ટીવી સેવા છે, જે ગ્રાહકોને 450 થી વધુ લાઇવ ટીવી ચેનલો, વેબસીરીઝ અને ફિલ્મો જોવાની મંજૂરી આપે છે. તેના ટ્રાયલ તબક્કામાં 300 થી વધુ મફત ટીવી ચેનલો ઉપલબ્ધ કરાવવામાં આવી હતી, પરંતુ હવે આ સેવા બધા BSNL સિમ કાર્ડ સાથે સંપૂર્ણપણે કામ કરી રહી છે.

BiTV માટે કોઇ વધારાનો ચાર્જ નથી 
BSNL ગ્રાહકો કોઈપણ BSNL મોબાઇલ પ્લાન સાથે BiTV નો ઉપયોગ સંપૂર્ણપણે મફતમાં કરી શકે છે. આ સુવિધા BiTV એપ દ્વારા ઉપલબ્ધ થશે, જેનાથી સ્માર્ટફોન યૂઝર્સ તેમના મનપસંદ શો અને ફિલ્મો ગમે ત્યાં જોઈ શકશે. હવે BSNL ની મદદથી તમે ખૂબ જ સસ્તા ભાવે મનોરંજનનો આનંદ માણી શકો છો.

આ પણ વાંચો