માત્ર એક સેટિંગ બદલતા જ સ્પામ (Spam) માં જવાના બંધ થઈ જશે જરૂરી ઈમેલ્સ, જાણો ટેક ટિપ્સ

Tech Tips: જો કોઈ ખાસ વ્યક્તિ અથવા કંપનીના ઈમેલ વારંવાર તમારી પાસે આવતા હોય, તો તેના માટે Gmail ફિલ્ટર (Gmail Filter)નું યુઝ કરવું ફાયદાકારક સાબિત થાય છે.

પ્રતીકાત્મક તસવીર

Source : Unsplash

Show Quick Read

Key points generated by AI, verified by newsroom

• જીમેલ AI ફિલ્ટર જરૂરી મેઈલને ભૂલથી સ્પામ કરે છે.
• કમ્પ્યુટર પર ફિલ્ટર સેટિંગથી જરૂરી મેઈલ ઇનબોક્સમાં મેળવો.
• સ્પામમાં ગયેલા મેઈલને 'નોટ સ્પામ' દ્વારા પરત મેળવો.

Tech Tips:  Gmail  આજની તારીખમાં લોકોની સૌથી જરૂરી વસ્તુઓમાંથી એક બની ગયું છે. ઓફિસથી લઈને બેંક સુધીના તમામ જરૂરી મેઈલ તમને જીમેલ દ્વારા મળે છે. પરંતુ ઘણીવાર એવું જોવા મળ્યું છે કે કેટલાક મહત્વના ઈમેલ આપમેળે જ સ્પામ ફોલ્ડરમાં ચાલ્યા જાય છે. આના કારણે કેટલીકવાર લોકોને જરૂરી મેઈલ સમયસર જોવા મળતા નથી અથવા તો મિસ થઈ જાય છે. પરંતુ આજે અમે તમને એક એવા સેટિંગ વિશે જણાવવા જઈ રહ્યા છીએ, જેને સેટ કર્યા પછી તમને બધા મેઈલ ઈનબોક્સ (Inbox) માં દેખાવા લાગશે અને સ્પામમાં નહીં જાય.

 

જરૂરી ઈમેલ સ્પામ (Spam) માં કેમ જાય છે?
માહિતી અનુસાર, જીમેલમાં હવે એક AI ફીચર આવે છે જેને 'સ્પામ ફિલ્ટર' કહેવામાં આવે છે. આ ફીચર શંકાસ્પદ અને નકલી ઈમેલની ઓળખ કરવાનું કામ કરે છે. જો કે, ઘણી વખત આ સિસ્ટમ ભૂલથી સાચા ઈમેલને પણ સ્પામ માની લે છે. આવું ત્યારે થઈ શકે છે જ્યારે ઈમેલ કોઈ નવા એડ્રેસ પરથી આવ્યો હોય, તેનું કન્ટેન્ટ પ્રમોશનલ (જાહેરાત જેવું) લાગતું હોય અથવા પહેલા તે પ્રકારના ઈમેલને સ્પામ માર્ક કરવામાં આવ્યા હોય.

આ પણ વાંચો:  ચોમાસામાં ફોનની બેટરી કેમ ઝડપથી ખતમ થઈ જાય છે? કારણ જાણીને તમે પણ ચોંકી જશો

ફિલ્ટર (Filter) નો ઉપયોગ કરો
તમારી જાણકારી માટે જણાવી દઈએ કે જો કોઈ ખાસ વ્યક્તિ કે કંપનીના ઈમેલ વારંવાર તમારી પાસે આવતા હોય, તો તેમના માટે જીમેલ ફિલ્ટર બનાવવું તમારા માટે સૌથી ઉત્તમ રહેશે. આ માટે સૌથી પહેલા કમ્પ્યુટર પર Gmail ખોલો અને સર્ચ બારમાં આપેલા 'Show search options' (શો સર્ચ ઓપ્શન્સ) આઇકોન પર ક્લિક કરો.

હવે અહીં 'From' (ફ્રોમ) વાળા બોક્સમાં જે-તે ઈમેલ આઈડી (Email Address) લખો અને 'Create filter' (ક્રિએટ ફિલ્ટર) પર ક્લિક કરો. હવે 'Never send it to Spam' (નેવર સેન્ડ ઈટ ટુ સ્પામ) ઓપ્શનને પસંદ કરો. અંતમાં, ફરીથી 'Create filter' પર ક્લિક કરી દો. હવે તે ઈમેલ આઈડી પરથી આવતા તમામ મેસેજ સીધા તમારા ઈનબોક્સમાં પહોંચશે.

સ્પામમાં ગયેલો ઈમેલ પાછો કેવી રીતે મેળવવો?
જો તમારો કોઈ જરૂરી ઈમેલ ભૂલથી સ્પામમાં જતો રહ્યો છે, તો તમે તેને સરળતાથી પાછો ઈનબોક્સમાં લાવી શકો છો. આ માટે તમારે કેટલાક જરૂરી સ્ટેપ્સ ફોલો કરવા પડશે:

કમ્પ્યુટર પર Gmail ખોલો.

• આ પછી ડાબી બાજુએ આપેલા 'More' (મોર) પર ક્લિક કરીને 'Spam' (સ્પામ) ફોલ્ડર ખોલો.
• હવે જે ઈમેલની જરૂર છે તેને ઓપન કરો.
• હવે ઉપર દેખાતા 'Not spam' (નોટ સ્પામ) ઓપ્શન પર ક્લિક કરો.
• આટલું કર્યા પછી, જીમેલ ભવિષ્યમાં તે ઈમેલ એડ્રેસ પરથી આવતા મેસેજને ઓળખવા લાગશે અને તેના સ્પામમાં જવાની શક્યતા નહિવત થઈ જશે.

મોબાઈલ એપમાં કેવી રીતે કરશો આ સેટિંગ?
આજે મોટાભાગના લોકોના સ્માર્ટફોનમાં પણ જીમેલ લોગ-ઈન જ હોય છે. મોબાઈલ એપમાં નવું ફિલ્ટર બનાવવાનો ઓપ્શન હાલમાં ઉપલબ્ધ નથી. જો કે, સ્પામમાં પહોંચેલા ઈમેલને સાચી કેટેગરીમાં પાછો મોકલી શકાય છે. આ માટે જીમેલ એપ (Gmail App) ખોલો અને સ્પામ ફોલ્ડરમાં જાઓ. હવે અહીં જે-તે ઈમેલને ઓપન કરો અને ઉપર આપેલા ત્રણ ડોટ્સ (Three Dots) પર ટેપ કરો. હવે 'Report not spam' અથવા 'Not spam' નો ઓપ્શન પસંદ કરી લો.

આ પણ વાંચો

Google down: ગૂગલ ફરી થયું ડાઉન, સર્ચ, જીમેઇલ, યુટ્યુબ સહિતની સર્વિસ સમગ્ર વિશ્વમાં ખોરવાઈ

Phone Maintenance Tips: દર 2 વર્ષે નવો ફોન ખરીદવાનું કરો બંધ, આ 4 ટેક સિક્રેટ્સથી જૂના સ્માર્ટફોનને બનાવો સુપરફાસ્ટ