ChatGPT ને ટક્કર આપવા આવી રહ્યું છે Apple નું નવું Siri, AI ની દુનિયામાં મચાવશે ધમાલ

Apple Siri Update: આઇફોન વપરાશકર્તાઓ માટે નવા સિરીની રાહ ટૂંક સમયમાં સમાપ્ત થઈ રહી છે. એપલ આના પર સક્રિયપણે કામ કરી રહ્યું છે, અને તેની ચેટબોટ જેવી નવી સ્ટાઈલને ટૂંક સમયમાં રજૂ કરી શકાય છે.

એપલ Siri

Source : x

Show Quick Read

Key points generated by AI, verified by newsroom

• Apple Google Gemini ની મદદથી સિરીને અપગ્રેડ કરી રહ્યું છે.
• નવી સિરી ChatGPT ને ટક્કર આપશે, ચેટ હિસ્ટ્રી ઓટો-ડિલીટ થશે.
• વોઇસ કમાન્ડ દ્વારા એક્ટિવેટ થતી સિરી વધુ કન્વર્સેશનલ બનશે.
• WWDC માં સિરીના નવા અપડેટની ઝલક, iOS 27 માં લોન્ચ શક્ય.

Apple Siri Update: Apple છેલ્લા ઘણા સમયથી Gemini-powered Siri પર કામ કરી રહ્યું છે. AI ક્ષેત્રે પોતાના પ્રયત્નો સફળ ન થયા બાદ Appleએ Google સાથે ભાગીદારી કરી હતી. આ ભાગીદારી હેઠળ સિરીને Geminiની મદદથી અપગ્રેડ કરવામાં આવી રહ્યું છે. હવે એવી માહિતી મળી રહી છે કે Apple આ વર્ષે જ નવા સિરીને લોન્ચ કરી દેશે. નવું સિરી માત્ર આઈફોનના કામો જ પૂરા નહીં કરે, પરંતુ ChatGPT જેવા ચેટબોટને સીધી ટક્કર પણ આપશે. યુઝરની પ્રાઈવસી જાળવી રાખવા માટે નવા સિરીમાં ઓટો ચેટ ડિલીટનું ફીચર આપવામાં આવી શકે છે.

ચેટ્સ આપમેળે ડિલીટ થઈ જશે

મીડિયા રિપોર્ટ્સ અનુસાર, સિરીના નવા વર્ઝનમાં ચેટ હિસ્ટ્રી માટે ઓટો-ડિલીટ ઓપ્શન મળશે. જેમાં યુઝર નક્કી કરી શકશે કે તેઓ સિરી સાથેની તેમની વાતચીતને 30 દિવસ, એક વર્ષ કે હંમેશા માટે સેવ રાખવા માંગે છે. આ ફીચર મેસેજ એપમાં મળતા ફીચરની જેમ જ કામ કરશે. નોંધનીય છે કે ઓટો-ડિલીટનો વિકલ્પ માત્ર સિરી એપમાં જ મળશે. હાલમાં આ એપ પર કામ ચાલી રહ્યું છે અને તે ChatGPT અને Geminiની જેમ જ કામ કરશે.

આઈફોન યુઝર્સને મળશે નવો શોર્ટકટ

સ્ટેન્ડઅલોન એપની સાથે નવા સિરી માટે એક 'સર્ચ' અથવા 'આસ્ક' શોર્ટકટ પણ આપવામાં આવી શકે છે. સ્ક્રીનના ટોપ સેન્ટરથી સ્વાઈપ ડાઉન કરતાની સાથે જ તે એક્ટિવેટ થઈ જશે. આમાં યુઝર પસંદ કરી શકશે કે તેમની જૂની વાતચીત ઓપન થાય અથવા તેમને દર વખતે નવી ચેટ વિન્ડો ઓપન કરવી છે.

વોઈસ કમાન્ડથી થશે એક્ટિવેટ

Appleએ આ પ્રોજેક્ટને Campos કોડનેમ આપ્યું છે અને આ અપડેટ સિરીના કામ કરવાની રીતને સંપૂર્ણપણે બદલી નાખશે. નવા સિરીના આવતાની સાથે જ હાલનું ઇન્ટરફેસ બદલાઈ જશે અને તે કન્વર્સેશનલ ચેટબોટની જેમ કામ કરશે. રિપોર્ટ્સ મુજબ, સિરીને બોલાવવાની રીત જૂની જ રહેશે. યુઝર 'Hey Siri' કહીને અથવા સાઇડ બટનને હોલ્ડ કરીને સિરીને એક્ટિવેટ કરી શકશે, પરંતુ તે ચેટબોટની જેમ પ્રતિસાદ આપશે.

ક્યારે લોન્ચ થશે અપગ્રેડેડ સિરી?

આ અપગ્રેડને સિરીમાં અત્યાર સુધીના સૌથી મોટા અપડેટ્સમાંનું એક માનવામાં આવે છે. નવું સિરી પોતે જ મુશ્કેલ પ્રશ્નોના જવાબ આપી શકશે. માનવામાં આવે છે કે Apple જૂન મહિનામાં Worldwide Developer Conference (WWDC) માં નવા સિરીની ઝલક બતાવી શકે છે. સપ્ટેમ્બરમાં iOS 27 અપડેટની સાથે તેને રોલઆઉટ કરવામાં આવે તેવી શક્યતા છે.

આ પણ વાંચો

Smartwatch Vs Fitness Band: બંનેમાં શું હોય છે તફાવત? જાણો કઈ વસ્તુ ખરીદવી તમારા માટે છે ફાયદાકારક

WiFi Vs LiFi: WiFi અને LiFi માં શું છે ફરક? જાણો ક્યાં કઈ ટેક્નોલોજી કયાં આવે છે કામ