ભારત પર ભરોસો, iPhone બાદ હવે Airpod પણ અહીં બનાવશે Apple, જાણો ક્યારથી શરૂ થશે પ્રૉડક્શન ?

Airpod manufacturing in India: iPhone પછી હવે કંપની એરપૉડ્સ સાથે ભારતમાં તેની બીજી પ્રૉડક્ટનું ઉત્પાદન શરૂ કરી રહી છે.

(તસવીર- એબીપી લાઇવ)

Source : એબીપી લાઇવ

Airpod manufacturing in India: અમેરિકન ટેક કંપની Apple ભારતમાં iPhone પછી તેની અન્ય પ્રૉડક્ટ્સ બનાવવાની યોજના બનાવી રહી છે. કંપની હવે ભારતમાં AirPod વાયરલેસ ઈયરફોન બનાવવાની તૈયારી કરી રહી છે. એવી અપેક્ષાઓ છે કે કંપની આવતા વર્ષના પ્રથમ ક્વાર્ટરમાં ભારતમાં એરપૉડ્સનું ઉત્પાદન શરૂ કરશે. ભારતમાં આ યોજનાની કમાન્ડ એપલની સહાયક કંપની ફૉક્સકોન ટેક્નોલોજી ગ્રુપ સંભાળી રહી છે. ફૉક્સકૉન હૈદરાબાદમાં તેના નવા પ્લાન્ટમાં એરપૉડ્સ એસેમ્બલ કરવાનું શરૂ કરશે. એરપૉડ્સનું ઉત્પાદન અહીં ટ્રાયલ બેઝ પર પહેલેથી જ ચાલી રહ્યું છે અને ઉત્પાદન શરૂ થયા પછી ઉત્પાદનની ગતિમાં વધારો કરવામાં આવશે.

ભારતમાં પહેલાથી બની રહ્યાં છે આઇફોન 
Apple છેલ્લા કેટલાક વર્ષોથી ભારતમાં iPhonesનું ઉત્પાદન કરી રહી છે. નાણાકીય વર્ષ 2024માં એપલના કુલ આઈફોનમાંથી 14-15 ટકા ભારતમાં બન્યા હતા. 2027 સુધીમાં આ સંખ્યા વધીને 26-30 ટકા થવાની ધારણા છે.

iPhone પછી હવે કંપની એરપૉડ્સ સાથે ભારતમાં તેની બીજી પ્રૉડક્ટનું ઉત્પાદન શરૂ કરી રહી છે. આ પહેલીવાર હશે જ્યારે Apple ભારતમાં એરપૉડ્સનું ઉત્પાદન કરશે. વાસ્તવમાં એપલના ભારતમાં ઉત્પાદન વધારવા પાછળ ઘણા કારણો છે. પહેલું કારણ એ છે કે અમેરિકા અને ચીન વચ્ચે આર્થિક સંબંધો સારા નથી. આવી સ્થિતિમાં ઘણી કંપનીઓ પોતાનું ઉત્પાદન ચીનમાંથી ભારત સહિત અન્ય દેશોમાં શિફ્ટ કરી રહી છે. બીજું, ભારતમાં મેન્યૂફેક્ચરિંગ વધારવા માટે ભારત સરકાર કંપનીઓને ઘણી સુવિધાઓ પણ આપી રહી છે.

એપલ માટે એકસાથે અનેક ફાયદા 
એપલના આ પગલાથી ઘણા ફાયદા થવાના છે. ભારતમાં ઉત્પાદન શરૂ થવાથી ચીન પર તેની નિર્ભરતા ઘટશે અને તેની પાસે ઉત્પાદન માટે એકથી વધુ વિકલ્પો હશે. બીજીતરફ ભારતમાં એપલનું માર્કેટ ઝડપથી વધી રહ્યું છે. આવી સ્થિતિમાં તેને આ ઝડપથી વિકસતા બજારમાં પોતાનો પગ મજબૂત કરવાની તક પણ મળશે.

આ પણ વાંચો