Health tips: જાણો બ્રિસ્ક વોક શું છે? કેવી રીતે કરવાથી વેઇટ લોસમાં મળે છે મદદ

જો આપ જીમમાં ગયા વગર વજન ઓછું કરવા માંગતા હોવ તો દરરોજ બ્રિસ્ક વોક કરો. આનાથી તમારું વજન ઘટશે અને તમારું હૃદય સ્વસ્થ રહેશે.

બ્રિસ્ક વોકના ફાયદા

Health tips: જો આપ  જીમમાં ગયા વગર વજન ઓછું કરવા માંગતા હોવ તો દરરોજ બ્રિસ્ક વોક કરો. આનાથી તમારું વજન ઘટશે અને તમારું હૃદય સ્વસ્થ રહેશે.

આજકાલ લોકોની જીવનશૈલી અને ખાવાની આદતોમાં ઘણો બદલાવ આવ્યો છે. આવી સ્થિતિમાં વધતા વજનની સાથે અન્ય ઘણી સમસ્યાઓનો પણ સામનો કરવો પડે છે. જો તમારે સ્વસ્થ અને ફિટ રહેવું હોય તો તમારે કસરત કરવી જ જોઈએ. મોટાભાગના લોકો ફિટ અને હેલ્ધી રહેવા માટે જિમ જવાનું શરૂ કરી દે છે, જેના કારણે વજન પણ ઘટે છે અને તમે તાજગી અનુભવો છો. જો કે, ઘણા લોકો આળસ કે અન્ય બાબતોને કારણે જિમ જવા માટે સમય કાઢી શકતા નથી.

જો તમારી પાસે જિમ જવાનો પણ સમય નથી, તો તમે તમારી જાતને ફિટ બનાવવા માટે ખૂબ જ સરળ ઉપાયો કરી શકો છો. જેના કારણે તમારે ક્યાંય જવાની પણ જરૂર નહીં પડે અને વજન પણ સરળતાથી ઘટશે. વજન ઘટાડવાનો સૌથી સરળ રસ્તો એ છે કે કેટલીક નાની-નાની કસરત કરવી, યોગાસન કરવું, આરામથી ચાલવું, ખૂબ જ ઝડપથી દોડવું અને ઝડપી ચાલવું.  ધીમેથી કે ખૂબ ઝડપથી ચાલવું તેને વ, તેને બ્રીસ્ક વોકિંગ  કહેવામાં આવે છે. ઝડપથી ચાલવાથી ઘણા સ્વાસ્થ્ય લાભ થાય છે. ઝડપી ચાલવાથી વજન તો ઘટે છે પણ યાદશક્તિ પણ તેજ થાય છે. આવી સ્થિતિમાં બ્રિસ્ક વોક કરવાથી શું  અન્ય ફાયદા થાય છે જાણીએ

 હૃદયરોગને ઓછો કરો

જ્યારે તમે દરરોજ બ્રિસ્ક વોક કરો છો, ત્યારે તે શરીરને હૃદય રોગના જોખમને ઘટાડવામાં મદદ કરે છે. એટલું જ નહીં, પરંતુ તે લોહીમાં ખરાબ કોલેસ્ટ્રોલને ઘટાડવામાં પણ ખૂબ જ અસરકારક સાબિત થાય છે. આવી સ્થિતિમાં, તમારે દરરોજ ઓછામાં ઓછા 30 મિનિટ માટે ઝડપી ચાલવું જોઈએ.

 ડાયાબિટીસમાં ફાયદાકારક

 રોજ બ્રિસ્ક વોક કરવાથી બ્લડ સુગર ક્યારેય વધતું નથી, જે શરીરને અન્ય સમસ્યાઓથી દૂર રાખે છે. એટલું જ નહીં પરંતુ તે ઇન્સ્યુલિનની સંવેદનશીલતાને પણ પ્રોત્સાહન આપે છે. વાસ્તવમાં, જ્યારે તમે દરરોજ ચાલો છો, ત્યારે તમારા સ્નાયુ કોષો વ્યાયામ પહેલાં અને પછી ઊર્જા માટે ગ્લુકોઝને રૂપાંતરિત કરવા માટે ઇન્સ્યુલિનનો વધુ સારી રીતે ઉપયોગ કરવામાં સક્ષમ હોય છે. આ રીતે ચાલવું તમારા માટે ફાયદાકારક સાબિત થઈ શકે છે.

યાદશક્તિ મજબૂત બને છે

 જ્યારે તમે દરરોજ બ્રિસ્ક વોક કરો છો, ત્યારે તમારા સ્વાસ્થ્યમાં ઘણા સુધારા થાય છે જેમ કે આત્મસન્માન વધારવું, ઊંઘમાં સુધારો, યાદશક્તિ મજબૂત કરવી વગેરે. જો તમે તમારી જીવનશૈલીને યોગ્ય રાખવા માંગો છો, તો કોઈપણ સંજોગોમાં બ્રિસ્ક વોકને રૂટીનમાં સામેલ કરો.

બ્લડ પ્રેશરને સામાન્ય રાખો

 ઝડપથી ચાલવાથી હાઈ બ્લડ પ્રેશર ઓછું થઈ જાય છે, જેથી તમને સ્ટ્રોક, હાર્ટ એટેક, હાર્ટ ફેલ્યોર વગેરે જેવી સમસ્યાઓ નથી થતી.  તે તમારા હૃદયને સ્વસ્થ બનાવે છે. આવી સ્થિતિમાં, હૃદયની સમસ્યાઓથી દૂર રહેવા માટે, દરરોજ ઓછામાં ઓછા 30 મિનિટ માટે ઝડપી વોક કરો.

 વજન ઘટશે

 બ્રિસ્ક વોક એક પ્રકારની કાર્ડિયો એક્સરસાઇઝ માનવામાં આવે છે. આવી સ્થિતિમાં, જ્યારે તમે દરરોજ ચાલો છો, ત્યારે તે તમારી કેલરી બર્ન કરે છે, જેના કારણે તમારું વજન ઓછું થાય છે. . તેથી જો તમે પણ તમારું વજન એકદમ સરળ રીતે ઓછું કરવા માંગતા હોવ તો દરરોજ બ્રિસ્ક વોક કરો.

Disclaimer: અહીં આપેલી માહિતી માત્ર ધારણાઓ અને માહિતી પર આધારિત છે. અત્રે એ ઉલ્લેખ કરવો જરૂરી છે કે, abp અસ્મિતા  કોઈપણ પ્રકારની માન્યતા, માહિતીને સમર્થન આપતું નથી. કોઈપણ માહિતી અથવા ધારણા લાગુ કરતાં પહેલાં સંબંધિત નિષ્ણાતની સલાહ લો.