શોધખોળ કરો

વડોદરાઃ ઉત્તરાયણના દિવસે 'ખાનદાની' દારૂની મહેફિલ પર પોલીસની રેડ, 12 પુરુષ અને 8 મહિલા ઝડપાઈ

Written By : એબીપી અસ્મિતા વેબ ટીમ | Updated at : 15 Jan 2019 07:15 AM (IST)

1/3

વડોદરા: શહેરના વારસીયા પોલીસ સ્ટેશન વિસ્તારમા બંધ દવાખાના પાસે ઉત્તરાયણને લઇને ધાબા પર દારૂની પાર્ટી કરતા કેટલાક ખાનદાની નબીરાઓની પોલીસે અટકાયત કરી છે. આ મહેફિલમાં 12 પુરુષો અને 8 મહિલાઓ મહેફિલ માણતી ઝડપાઈ છે.

2/3

પ્રાપ્ત વિગત પ્રમાણે વડોદરામાં આવેલા વારસિયા પોલીસ સ્ટેશન વિસ્તારમાં દારૂની મહેફિલ પર પોલીસે રંગમાં ભંગ પાડ્યો હતો. કહેવાય છે કે, ઉત્તરાયણની સાંજે ચાલી રહેલી આ દારૂની મહેફિલમાં પોલીસે રંગમાં ભંગ પાડી શહેરના પૈસાદાર પરિવારના સભ્યોની અટકાયત કરી છે.

3/3

બાતમીના આધારે દારૂની મહેફિલ પર પાડવામાં આવેલી રેડમાં પોલીસે 1.99 લાખ રૂપિયા રોકડા, 16 મોબાઈલ, 2 કાર અને 5 બાઈક જપ્ત કરી છે. જે કુલ મળીને 14.24 લાખ રૂપિયાનો મુદ્દામાલ જપ્ત કર્યો હતો. અટકાયત કરેલા તમામ લોકોનું મેડિકલ ચેકઅપ કરવામાં આવ્યું હતું, ત્યારબાદ કેટલાક લોકો પાસે દારૂ પીવાનું લાયસન્સ છે અને કેટલાક લોકો ગેરકાયદેસર નશો કરી રહ્યાં છે તે પ્રમાણે ગુનો દાખલ કરવામાં આવશે.