વડોદરાઃ સગીરાની છેડતી કરતાં લોકો ભડક્યા, આધેડને નગ્ન કરીને ફટકાર્યો ને પછી કાઢ્યો વરઘોડો

આ ઘટનામાં એવી પણ ચર્ચા છે કે, બંને વચ્ચે પ્રેમપ્રકરણ પણ હોઇ શકે છે. આ આધેડને આખી રાત નગ્ન હાલતમાં ઝાડ સાથે બાંધી દીધો હોવાનું પણ જાણવા મળી રહ્યો છે. આ ઘટના પાંચ દિવસ પહેલા બની હોવાનું કહેવાય રહ્યું છે. આ ઘટના અંગે પોલીસ પણ અજાણ હોવાનું જાણવા મળ્યું છે.

વડોદરાઃ કરજણ તાલુકાના એક ગામમાં સગીરાની છેડતી કરનાર આધેડને લોકોએ નગ્ન કરીને ફટકાર્યો હતો. એટલું જ નહીં, તેને નગ્ન હાલતમાં જ આખા ગામમાં ફેરવ્યો હતો. આ ઘટનાના ફોટોગ્રાફ વાયરલ થતાં સમગ્ર કરજણ તાલુકામાં ભારે ચર્ચા જાગી છે.

આ અંગેની વિગતો એવી છે કે, કરજણ તાલુકાના ગામમાં આધેડે આદિવાસી સગીરાની છેડતી કરી હતી. ગામ લોકોના ધ્યાને આ વાત આવતાં આધેડને જાહેરમાં જ નગ્ન કરીને માર મારવામાં આવ્યો હતો. એટલું ઓછું હોય તેમ ઘા પર મીઠું ભભરાવવામાં આવ્યું હતું. આ પછી આધેડને દોરડાથી બાંધીને નગ્ન હાલતમાં જ આખા ગામમાં ફેરવવામાં આવ્યો હતો.