ડોક્ટરના ક્લિનિકમાંથી મહિલા દર્દીઓના મળ્યાં વસ્ત્રો, પોલીસે કોની કોની કરી ધરપકડ, જાણો વિગત

નંદેસરી પોલીસ આજે અનગઢ ગામમાં પહોંચી હતી અને ક્લિનિકમાં તપાસ હાથ ધરી હતી. જેમાં ઘણી એવી વસ્તુઓ મળી આવી હતી. પોલીસ ક્લિનિક પર આવતાં જ લોકોનાં ટોળાં વળ્યાં હતાં.

વડોદરા નજીક આવેલા અનગઢ ગામમાં લપંટ ડોક્ટર પ્રતિક જોષી સામે દુષ્કર્મની ફરિયાદ નોંધાયા બાદ પોલીસ હરકતમાં આવી છે.

અનગઢ ગામના ઉપસરપંચની પણ તેમાં ભૂમિકા હોવાનું બહાર આવ્યું છે. પોલીસે તપાસ કરતાં ક્લિનિકમાંથી નશીલા ઈન્જેક્શન અને ગર્ભ નિરોધક દવાઓ મળી આવી છે. જોકે ડોક્ટર હજુ ફરાર છે જેની પોલીસ શોધખોળ કરી રહી છે.

અનગઢ ગામમાં દુષ્કર્મ બાદ વીડિયો ઉતારવાના કેસમાં ગામના જ કેટલાંક લોકો કામલીલાનો વીડિયો બતાવી ડોક્ટર પ્રતિક જોષીને બ્લેકમેઈલ કરતા હોવાનું બહાર આવ્યું છે.

પોલીસ તપાસ દરમિયાન ડોક્ટર પ્રતિક જોષીના ક્લિનિકમાંથી મહિલાઓના વસ્ત્રો મળી આવ્યા હતા. જેને એફએસએલમાં મોકલી આપવામાં આવ્યા છે. જોકે હજુ સુધી કોઈ રિપોર્ટ આવ્યો નથી. પોલીસ ધરપકડ કરાયેલા ત્રણેય આરોપીઓને આજે કોર્ટમાં રિમાન્ડ માટે રજૂ કરે તેવી શક્યતા છે.

વડોદરા શહેર નજીક આવેલા અનગઢ ગામમાં વડોદરાના ડોક્ટરે મહિલા દર્દીઓ સાથે શારીરિક સંબંધ બાંધવાના મામલે રોજ-રોજ નવા ખુલાસાઓ થઈ રહ્યા છે. ફરાર ડોક્ટરને શોધવા પોલીસે 4 અલગ-અલગ ટીમો બનાવીને તપાસ શરૂ કરી છે. બીજી તરફ વીડિયો વાયરલ કરવાના મુદ્દે શરૂ થયેલી તપાસમાં પોલીસે અનગઢના ડેપ્યુટી સરપંચ સહિત 2 શખ્સની ધરપકડ પણ કરી હતી.

આ ઉપરાંત પોલીસને ડોક્ટરના ક્લિનિકમાંથી મહિલાના વસ્ત્રો પણ મળી આવ્યા હતા જે પોલીસે કબજે કર્યાં હતા. આ ઉપરાંત પોલીસે ડેપ્યુટી સરપંચ સહિત 2 શખ્સોની ધરપકડ પણ કરી છે. જોકે હજુ ડોક્ટર ફરાર છે જેની પોલીસ શોધખોળ કરી રહી છે.

વડોદરાઃ વડોદરાના પાસેના આવેલા અનગઢ ગામના ક્લિનિકમાં ડોક્ટર પ્રતિક જોષીએ મહિલા દર્દીઓ સાથે સેક્સ સંબંધ બાંધવાના કેસમાં નંદેસરી પોલીસ ડોક્ટરની ધરપકડ કરવા માટે શોધખોળ કરી રહી છે. જોકે આ પહેલા પોલીસ ક્લિનિકમાં સોમવારે સર્ચ કર્યું હતું જેમાં નશીલા ઈન્જેક્શન અને ગર્ભ નિરોધક દવાઓ મળી આવી છે.