Hun To Bolish | હું તો બોલીશ | નકલી ડૉક્ટરનું નેટવર્ક

આજે સુધારા સાથે વિધાનસભામાં પસાર થયેલા ગુજરાત ચિકિત્સા સંસ્થાઓ રજિસ્ટ્રેશન અને નિયમન બિલ બાદ આરોગ્ય મંત્રી પ્રફુલ પાનશેરિયાએ નિવેદન આપ્યું કે હવે લેબોરેટરી, દવાખાના, બ્લડબેંકનું ફરજીયાત રજીસ્ટ્રેશન કરવામાં આવશે. અત્યાર સુધીમાં કૂલ 41 લાખ રજીસ્ટ્રેશન થયા છે. હજુ પણ 1 લાખ રજીસ્ટ્રેશન થાય તે માટે સુધારા લાવવામાં આવ્યા અને તમામ સંસ્થાઓના રજીસ્ટ્રેશન માટે 1000 અને 2000 રુપિયા એમ અલગ અલગ રજીસ્ટ્રેશન માટે ફી નક્કી કરવામાં આવી છે. રજીસ્ટ્રેશનની તારીખ 12 સપ્ટેમ્બર 2026 નક્કી કરવામાં આવી છે.  ખાનગી ક્લિનિકનું પણ રજીસ્ટ્રેશન ફરજિયાત કરાવવાનું રહેશે. રજીસ્ટ્રેશન ન કરાવનારને પહેલા 3 નોટિસ આપવામાં આવશે. જો રજીસ્ટ્રેશન કરવામાં નહીં આવે તો 10,000 થી 5 લાખના દંડની જોગવાઈ કરવામાં આવી છે. તો અનેક જગ્યાએ ગામડાઓમાં બોગસ તબીબોની સામે કાર્યવાહી કરાઈ. હજુ પણ જે તબીબો બોર્ડ લગાવ્યા વગર કે ડિગ્રી વગર લોકોના આરોગ્ય સાથે ચેડા કરતા હોય તેવા તબીબોની સામે પોલીસ અને આરોગ્ય વિભાગ કાર્યવાહી કરશે. ગુજરાત ચિકિત્સા સંસ્થાઓ સુધારા વિધેયક વર્ષ 2022માં લાવવામાં આવ્યું હતુ.. જેની તારીખ વધારી સર્વાનુમતે વિધેયક પસાર કરવામાં આવ્યું..