Gujarat AAP : હવાલા કૌભાંડના આરોપ પર AAPનો ખુલાસો , ઇસુદાન ગઢવીએ શું કહ્યું?
Gujarat AAP : હવાલા કૌભાંડના આરોપ પર AAPનો ખુલાસો , ઇસુદાન ગઢવીએ શું કહ્યું?
ફન્ડિંગ અને હવાલા કૌભાંડના આરોપો પર AAPની પ્રથમ પ્રતિક્રિયા. આપ પ્રદેશ પ્રમુખ ઈસુદાન ગઢવીના ભાજપ પર પ્રહાર. ભાજપ ડરી ગઈ છે. ભાજપ અને બી ટીમ કોંગ્રેસ સાથે મળી લડી રહી છે. ભાજપ ચૂંટણી સુધી આવા ગતકડાં કરશે.
સુરત ક્રાઈમ બ્રાન્ચે સ્થાનિક સ્વરાજ્યની ચૂંટણીઓ પહેલા આમ આદમી પાર્ટી સાથે સંકળાયેલા એક મોટા "પોલિટિકલ હવાલા કૌભાંડ"નો પર્દાફાશ કર્યો. આમ આદમી પાર્ટીના બે મહત્વના ઓપરેટિવ્સ દ્વારા ચલાવવામાં આવતા એક આંતરરાજ્ય 'હવાલા અને પોલિટિકલ ફંડિંગ સિન્ડિકેટ' નો સનસનાટીભર્યો ખુલાસો થયો.. જેણે છેલ્લા ચાર મહિનામાં આંગડિયા પેઢીઓ મારફત દિલ્હીથી સુરતમાં કથિત રીતે ₹1 કરોડથી વધુની લેવડ દેવડ કરી હોવાનું બહાર આવ્યું.
દિલ્હીના હિમાંશુ પાહુજા અને સુરતના આકાશ મિશ્રા તથા અજય તિવારીની ત્રિપુટી દિલ્હી હાઈકમાન્ડ માટે નાણાકીય વ્યવહારોનું સુનિયોજિત નેટવર્ક ચલાવી રહી હોવાનો ખુલાસો થયો.. હિમાંશુ પાહુજા સિન્ડિકેટનો મુખ્ય હેન્ડલર છે.. દિલ્હીના જનકપુરી વિસ્તારમાં રહેતો હિમાંશુ પાહુજા અગાઉ કોંગ્રેસમાં સક્રિય હતો, તે હાલમાં AAP ના નેતા સુરેન્દ્ર ભારદ્વાજનો વિશ્વાસુ મનાય છે. પાહુજા આ આખી ચેઈનમાં મુખ્ય 'ફાઇનાન્સર' તરીકેની ભૂમિકા ભજવે છે. તેનું મુખ્ય કામ દિલ્હીથી સુરત સુધી નાણાં પહોંચાડવાની વ્યવસ્થા કરવાનું છે. બીજી તરફ સુરતના પીપલોદમાં રહેતો આકાશ મિશ્રા, જે પૂર્વ મંત્રી સત્યેન્દ્ર જૈનનો પૂર્વ પીએ રહી ચૂક્યો છે, તે અજય તિવારી સાથે મળીને આ નાણાં મેળવતો હતો. તેઓ સુરતમાં 'ફાઇનાન્સિયલ રિસીવર' તરીકે કાર્યરત છે.
ટોપ સ્ટોરી
ટ્રેન્ડિંગ સમાચાર
