Ambalal Patel: ગુજરાતમાં ખાબકશે 3થી 10 ઇંચ વરસાદ, અંબાલાલની મોટી આગાહી

Ambalal Patel: ગુજરાતમાં ખાબકશે 3થી 10 ઇંચ વરસાદ, અંબાલાલની મોટી આગાહી

Gujarat Rain News: જાણીતા હવામાન નિષ્ણાત અંબાલાલ પટેલે ગુજરાતના ચોમાસાને લઈને મોટી આગાહી કરી છે. તેમના મતે, આગામી દિવસોમાં રાજ્યના વિવિધ ભાગોમાં ભારેથી અતિભારે વરસાદની સંભાવના છે, જેના કારણે નદીઓમાં પૂરની સ્થિતિ સર્જાઈ શકે છે અને કેટલાક વિસ્તારો જળબંબાકાર બની શકે છે. અંબાલાલ પટેલની આગાહી મુજબ, હાલમાં ઉત્તર ગુજરાત અને પૂર્વ ગુજરાતમાં વરસાદનું જોર જોવા મળશે. મહેસાણા, પાલનપુર, બનાસકાંઠા અને સાબરકાંઠાના ભાગોમાં ભારે વરસાદની શક્યતા છે. આ ઉપરાંત, પંચમહાલ જિલ્લાના કેટલાક ભાગોમાં પણ ભારે વરસાદ વરસી શકે છે. સૌરાષ્ટ્રના કેટલાક જિલ્લાઓમાં પણ ભારે વરસાદની શક્યતા વ્યક્ત કરવામાં આવી છે. દક્ષિણ ગુજરાતના નવસારી અને સુરત જેવા ભાગોમાં તો ભારેથી અતિભારે વરસાદની આગાહી કરવામાં આવી છે. મધ્ય ગુજરાતના વિસ્તારો, જેમાં ખાસ કરીને મહીસાગર જિલ્લાના ભાગોનો સમાવેશ થાય છે, ત્યાં પણ ભારે વરસાદની સંભાવના છે.

અંબાલાલ પટેલના મતે, આ ભારે વરસાદને કારણે દક્ષિણ ગુજરાત તેમજ રાજ્યની અન્ય નદીઓમાં પૂરની સ્થિતિ નિર્માણ થઈ શકે છે. નર્મદા નદી બે કાંઠે વહેવાની શક્યતા છે, જ્યારે સાબરમતી નદીમાં પણ પાણીનો પ્રવાહ વધવાની સંભાવના છે. આ ઉપરાંત, કાવેરી અને તાપી નદીઓમાં પણ જળસ્તર વધવાની શક્યતા રહેશે, જે નીચાણવાળા વિસ્તારો માટે ચિંતાનો વિષય બની શકે છે.