Cyclone Shakhti : શક્તિ વાવાઝોડાને લઈને પોરબંદરના દરિયાકાંઠે કરંટ, માછીમારોને દરિયો ન ખેડવા આપી સૂચના

બંગાળીની ખાડીમાં સર્જાયેલી સિસ્ટમ અરબ સમુદ્રમાં જતાં વધુ મજબૂત બની છે અને વાવાઝડાનું સ્વરૂપ ધારણ કર્યું છે. જેની અસરથી ભારતના કેટલાક રાજ્યોમાં ભારે પવન સાથે ભારે વરસાદની આગાહી કરવામાં આવી છે.

 અરબી સાગરમાં ઉદભવેલું વાવાઝોડુંની અસર ગુજરાત દરિયાકાંઠામાં જોવા મળી રહી છે. વાવાઝોડું  પોરબંદરથી 420 કિમી દૂર છે. પોરબંદર, દ્વારકા સહિતના ગુજરાતના દરિયા કિનારે કરંટ જોવા મળી રહ્યો છે.  વાવાઝોડાની અસરને લઈને પોરબંદરનું પ્રશાસન સતર્ક છે. માછીમારોને દરિયો ન ખેડવા સૂચના અપાઇ છે.

વાવાઝોડું 'શક્તિ' આજે તીવ્ર બને તેવી હવામાન વિભાગની આગાહી છે. અરબી સમુદ્રમાં વાવાઝોડું આજે રોદ્ર સ્વરૂપ ધારણ કરી શકે છે.  પશ્ચિમ-દક્ષિણ-પશ્ચિમ તરફ વાવાઝોડું આગળ વધી રહ્યું છે.અરબ સાગરમાં 10 કિમી પ્રતિ કલાકની ઝડપે આગળ વધી રહ્યું છે, હાલ વાવાઝોડું દ્વારકાથી  અને કચ્છના નલિયાથી વાવાઝોડું 360 કિમી દૂર છે. પોરબંદરના દરિયાથી વાવાઝોડું 420 કિમી દૂર છે. શક્તિ વાવાઝોડું કાલે ઉત્તર-મધ્ય,મધ્ય અરબ સાગરના ભાગોમાં પહોંચશે.શક્તિ વાવાઝોડાને લઈ ભારતીય હવામાન વિભાગનું અનુમાન છે કે, મહારાષ્ટ્રના દરિયાકાંઠે 'શક્તિ' વાવાઝોડાની વધુ અસર વર્તાશે,  બઈ- ઠાણે-પાલઘર વાવાઝોડાથી પ્રભાવિત થઈ શકે છે.રત્નાગિરી-સિંધુદુર્ગ જિલ્લામાં ચક્રવાતની અસર સંભવ છે. 5 ઓક્ટોબર સુધી મહારાષ્ટ્રના દરિયાકાંઠે ભારે પવન ફૂંકાશે. પૂર્વી વિદર્ભ, મરાઠવાડામાં ભારેથી અતિભારે વરસાદી આગાહી છે.ઉત્તર કોકણના કેટલાક ભાગોમાં અતિભારે વરસાદનું અનુમાન છે.