Gujarat Weather Forecast: કાળઝાળ ગરમીનો પ્રકોપ, જાણો કયા કયા જિલ્લાઓમાં અપાયું રેડ અને ઓરેન્જ અલર્ટ?

ભીષણ ગરમીથી સમગ્ર ગુજરાત જાણે અગનભઠ્ઠીમાં ફેરવાય ગયુ છે.. અને હજુ આગામી પાંચ દિવસ ગરમીથી રાહત મળવાના કોઈ એંધાણ નથી.. અમદાવાદ અને ગાંધીનગરમાં આજે ગરમીનું રેડ એલર્ટ જાહેર કરવામાં આવ્યુંછે.. તો બીજી તરફ રાજ્યના 20 જિલ્લામાં ગરમીનું ઓરેન્જ એલર્ટ જાહેર કરવામાં આવ્યું છે.. જ્યારે છ જિલ્લામાં ગરમીના યલો એલર્ટની ચેતવણી આપવામાં આવી છે..  કચ્છ સૌરાષ્ટ્રના આઠ જિલ્લામાં જેમાં કચ્છ, મોરબી, સુરેન્દ્રનગર,રાજકોટ, બોટાદ, જૂનાગઢ, અમરેલી અને ભાવનગરમાં ગરમીના ઓરેન્જ એલર્ટની ચેતવણી જાહેર કરવામાં  આવી છે.. જ્યારે દેવભૂમિ દ્વારકા, જામનગર, પોરબંદર અને ગીર સોમનાથમાં આજે ગરમીનું યલો એલર્ટ જાહેર કરવામાં આવ્યું છે.. તો આ તરફ ઉત્તર ગુજરાતના પાંચ જિલ્લામાં ગરમીનું ઓરેન્જ એલર્ટ જાહેર કરવામાં આવ્યું છે.. જેમાં બનાસકાંઠા, સાબરકાંઠા, પાટણ, મહેસાણા, અરવલ્લીનો સમાવેશ થાય છે.. આ તરફ મધ્ય ગુજરાતના ખેડા, આણંદ, વડોદરા, છોટા ઉદેપુર અને પંચમહાલ જિલ્લામાં અને દક્ષિણ ગુજરાતના સુરત અને વલસાડમાં ગરમીના ઓરેન્જ એલર્ટની ચેતવણી જાહેર કરવામાં આવી છે.. તો ભરૂચ અનેુ નવસારી જિલ્લા માટે ગરમીનું યલો એલર્ટ જાહેર કરવામાં આવ્યું છે..