Gujarat Rain Forecast : ગુજરાતમાં હળવા વરસાદનું અનુમાન, 40 કિ.મી. પ્રતિ કલાકની ઝડપે ફૂંકાશે પવન
Gujarat Rain Forecast : ગુજરાતમાં હળવા વરસાદનું અનુમાન, 40 કિ.મી. પ્રતિ કલાકની ઝડપે ફૂંકાશે પવન
રાજ્યમાં હજુ એક કલાક હળવા વરસાદનું અનુમાન વ્યકત કરાયું છે. હવામાન વિભાગે જાહેર કરેલા નાઉકાસ્ટ મુજબ દાહોદ, છોટાઉદેપુર, નર્મદા, સુરત, વાપી, વલસાડ, નવસારી અને ડાંગમાં તેજ પવન સાથે હળવા વરસાદની આગાહી કરાઈ છે. આ તરફ સંઘપ્રદેશ દમણ અને દાદરાનગર હવેલીમાં પણ હળવા વરસાદની આગાહી કરવામાં આવી છે. શનિવારના રાજ્યમાં પંચમહાલ, દાહોદ, મહિસાગર, અરવલ્લી અને સાબરકાંઠા જિલ્લામાં હળવો વરસાદ વરસ્યો. જોકે સવારના વરસાદ બાદ લોકોએ બપોરના સમયે અસહ્ય ઉકળાટનો સામનો કરવો પડ્યો હતો.
દેશભરના મોટાભાગના રાજ્યોના હવામાન પલટાયું છે. ગુજરાત રાજ્યમાં પણ હવામાનમાં મોટો ફેરફાર જોવા મળ્યો છે. હવામાન વિભાગ મુજબ એકસાથે ચાર અલગ-અલગ સિસ્ટમ સક્રિય થવાના કારણે આગામી દિવસોમાં વરસાદની શક્યતા વ્યક્ત કરવામાં આવી છે. હવામાન મોડલ મુજબ, આગામી ચાર દિવસ સુધી રાજ્યના વિવિધ વિસ્તારોમાં ભારે પવન સાથે વરસાદ વરસી શકે છે. કેટલાક વિસ્તારોમાં પવનની ગતિ વધુ અને વીજળી પડવાની ઘટના પણ બની શકે છે. આ દરમિયાન 40 -50 કિમી પ્રતિ કલાક સુધી પવન ફૂંકાવાની શક્યતા છે. ખાસ કરીને દરિયાકાંઠા અને ખુલ્લા વિસ્તારોમાં પવન વધુ તેજ રહેવાની શક્યતા છે.
ટોપ સ્ટોરી
ટ્રેન્ડિંગ સમાચાર
