Gujarat Rain : ગુજરાતમાં બપોર બાદ ક્યાં ક્યાં શરૂ થયો વરસાદ ? જુઓ અહેવાલ
Gujarat Rain : ગુજરાતમાં બપોર બાદ ક્યાં ક્યાં શરૂ થયો વરસાદ ? જુઓ અહેવાલ
વડોદરા: હવામાન વિભાગની ભારે વરસાદની આગાહી વચ્ચે વડોદરાના કરજણમાં ધોધમાર વરસાદ વરસ્યો છે. કરજણ નેશનલ હાઇવે 48, ધાવટ ચોકડી, પાદરા રોડ, આમોદ રોડ સહિત કરજણના ગ્રામ્ય પંથકમાં ધોધમાર વરસાદ વરસ્યો છે. કરજણ શહેર ગામડાઓમાં ધોધમાર વરસાદ વરસતા મેઈન બજારો સહિતના વિસ્તારોમાં પાણી ભરાયા છે. મધ્ય ગુજરાતના વડોદરા કરજણ પંથકમાં ભારે વરસાદ વરસતા ખેડૂતો ખુશ ખુશાલ થયા છે.
ડભોઈમાં ભારે વરસાદ
હવામાન વિભાગની આગાહી મુજબ લાંબા વિરામ બાદ ડભોઇમાં વરસાદ વરસ્યો છે. વહેલી સવારથી કાળા ડીબાંગ વાદળો બાદ વરસાદ વરસ્યો હતો. શહેર સહિત તાલુકા પંથકમાં વરસાદી માહોલ જોવા મળ્યો હતો. ઝારોલાવાગા, ટાવર બજાર, શિનોર રોડ, થરવાશા રોડ સહિત જુદા-જુદા વિસ્તારોમાં વરસાદ વરસ્યો છે. ગ્રામ્ય વિસ્તારોમાં થુવાવી, કનાયડા, વેગા, ફરતિકુઈ સહિતનાં ગામોમાં વરસાદ વરસ્યો છે. ક્યાંક ધીમી ધારે તો ક્યાંક ધોધમાર વરસાદ વરસ્યો છે.
છેલ્લા 24 કલાકમાં રાજ્યના 226 તાલુકામાં વરસાદ વરસ્યો હતો. મળતી જાણકારી અનુસાર, રાજ્યમાં છેલ્લા 24 કલાકમાં 21 તાલુકામાં 5થી 13.31 ઈંચ સુધીનો વરસાદ ખાબક્યો હતો. રાજ્યના 45 તાલુકામાં બેથી પાંચ ઈંચ સુધીનો વરસાદ વરસ્યો હતો.
છેલ્લા 24 કલાકમાં ક્યાં કેટલો વરસ્યો વરસાદ
રાજ્યમાં છેલ્લા 24 કલાકમાં મેંદરડામાં સૌથી વધુ 13.31 ઈંચ વરસાદ વરસ્યો હતો. તે સિવાય કેશોદમાં 11.22 ઈંચ વરસાદ,વંથલીમાં 10.39 ઈંચ, પોરબંદરમાં 10.24 ઈંચ, ગણદેવીમાં 9.21 ઈંચ, કપરાડામાં 8.27 ઈંચ વરસાદ, માણાવદરમાં 8.23 ઈંચ, ચીખલીમાં 8.03 ઈંચ, કુતિયાણામાં 6.93 ઈંચ,રાણાવાવમાં 6.69 ઈંચ, ડોલવણમાં 6.61 ઈંચ, નવસારીમાં 6.61 ઈંચ વરસાદ, જલાલપોરમાં 5.98 ઈંચ, ખેરગામમાં 5.94 ઈંચ, તાલાલામાં 5.67 ઈંચ, પારડીમાં 5.39 ઈંચ, જૂનાગઢના માંગરોળમાં 5.31 ઈંચ, ભાવનગરના મહુવામાં 5.31 ઈંચ, વાપીમાં 5.12, ઉમરગામમાં 5 ઈંચ, સુરતના મહુવામાં 4.96, વ્યારામાં 4.92 ઈંચ, ધરમપુરમાં 4.92 ઈંચ, કાલાવડમાં 4.92 ઈંચ, માળિયાહાટીનામાં 4.88 ઈંચ, વાંસદામાં 4.84, વાલોડમાં 4.69 ઈંચ, દ્વારકામાં 4.49 ઈંચ, ગારીયાધારમાં 4.37 ઈંચ, મહુધામાં 4.37, સુત્રાપાડામાં 4.33 ઈંચ વરસાદ વરસ્યો હતો.
ટોપ સ્ટોરી
ટ્રેન્ડિંગ સમાચાર
