Gujarat Rain Forecast: ચાર ચાર વરસાદી સિસ્ટમ સક્રિય થતા રાજ્યમાં ભારે વરસાદની હવામાન વિભાગની આગાહી

ચાર ચાર વરસાદી સિસ્ટમ સક્રિય થતા રાજ્યમાં ભારે વરસાદની હવામાન વિભાગની આગાહી...આજે કચ્છની સાથે ઉત્તર ગુજરાતના બનાસકાંઠા, સાબરકાંઠા, મહેસાણા અને અરવલ્લીમાં અત્યંત ભારે વરસાદની આગાહીને પગલે રેડ એલર્ટ જાહેર કરાયું. તો સૌરાષ્ટ્રના રાજકોટ, મોરબી, સુરેન્દ્રનગરની સાથે ઉત્તર ગુજરાતના પાટણ, ગાંધીનગર અને મધ્ય ગુજરાતના મહીસાગર જિલ્લામાં વરસાદનું ઓરેન્જ એલર્ટ જાહેર કરાયું. તો સૌરાષ્ટ્રના દેવભૂમિ દ્વારકા, જામનગર, પોરબંદર, જૂનાગઢ અને બોટાદમાં વરસાદનું યલો એલર્ટ જાહેર કરાયું.. અને અમદાવાદ સહિત મધ્ય ગુજરાતના આણંદ, ખેડા, પંચમહાલ અને દાહોદમાં પણ વરસાદનું યલો એલર્ટ આપવામાં આવ્યું. દક્ષિણ ગુજરાતના ભરૂચ, સુરત, નવસારી, ડાંગ અને વલસાડની સાથે સંઘ પ્રદેશ દમણ અને દાદરાનગર હવલીમાં પણ વરસાદનું યલો એલર્ટ જાહેર કરાયું છે. અત્યંત ભારે વરસાદની આગાહીને પગલે માછીમારોને સાવચેત રહેવાની સૂચના અપાઈ. તો બંદરો પર પણ ત્રણ નંબરનું સિગ્નલ લગાવી દેવામાં આવ્યું..