Umesh Makwana VS Gopal Italia: ગોપાલ ઇટાલિયામાં ત્રેવડ હોય તો..: ઈટાલિયાને ઉમેશ મકવાણાની ચેલેન્જ
ગુજરાતના રાજકારણમાં હાલ 'ચેલેન્જની રાજનીતિ'એ જોર પકડ્યું છે, અને હવે આ લડાઈમાં બોટાદના ધારાસભ્ય ઉમેશ મકવાણા પણ કૂદી પડ્યા છે. તેમણે આમ આદમી પાર્ટીના નેતા ગોપાલ ઇટાલિયાને સીધો પડકાર ફેંકતા કહ્યું છે કે, જો ચેલેન્જ આપવી જ હોય તો વિકાસના કામો કરવાની ચેલેન્જ આપો.
ઉમેશ મકવાણાએ પોતાના કાર્યકાળની સિદ્ધિઓ ટાંકતા જણાવ્યું કે, "મેં મારા અઢી વર્ષના કાર્યકાળમાં બોટાદ વિસ્તારમાં ₹2000 કરોડના કામો કર્યા છે." તેમણે ગોપાલ ઇટાલિયાને પડકારતા કહ્યું કે, "ગોપાલભાઈમાં ત્રેવડ હોય તો વધુ કામ કરવાની ચેલેન્જ લો." આ નિવેદન સ્પષ્ટપણે દર્શાવે છે કે મકવાણા ઇટાલિયાને માત્ર વાતો કરવાને બદલે નક્કર કામગીરી કરીને બતાવવા માટે કહી રહ્યા છે.
મકવાણાએ માત્ર ગોપાલ ઇટાલિયાને જ નહીં, પરંતુ ભાજપ (BJP) અને આમ આદમી પાર્ટીના અન્ય ધારાસભ્યોને પણ આડે હાથ લીધા હતા. તેમણે કહ્યું કે, "ભાજપ અને આપના ધારાસભ્યો રાજીનામાના નાટક કરે છે." તેમણે ભારપૂર્વક જણાવ્યું કે, "પ્રજાએ તમને કામ કરવા માટે ચૂંટ્યા છે, તો કામ કરો."
ટોપ સ્ટોરી
ટ્રેન્ડિંગ સમાચાર
