Gulabsinh Rajput: Vav Bypoll Election 2024: ‘કોઈ ત્રિપાંખિયો જંગ નથી.. એક જ કોંગ્રેસ જ જીતવાની’

ત્યારે આજે વાવથી કોંગ્રેસના ઉમેદવાર ગુલાબસિંહ રાજપૂતે ધરણીધર ભગવાનના દર્શન કર્યા. તેમણે લોકોને વધુમાં વધુ મતદાન કરવા માટે અપીલ કરી છે. સાથે જ તેમણે વાવ બેઠક પર ત્રિપાંખીયા જંગથી કોઈ ફરક ન પડવાનો વ્યક્ત કર્યો. ગુલાબસિંહ રાજપૂતે વિશ્વાસ વ્યક્ત કર્યો કે કોઈ હરિફાઈ નથી. ગુલાબસિંહ રાજપૂતે જણાવ્યું કે હાલ તો મને નથી લાગતું કે આ ચૂંટણીમાં અમારી કોઈની જોડે હરિફાઈ હોય.

 

આજે વાવ વિધાનસભાના 3 લાખ 10 હજાર 681 મતદારો પોતાનો ઉમેદવાર ચૂંટવા મતદાન કરવા મતદાન કેન્દ્ર પર પહોંચી રહ્યા છે. તેવામાં આજે વહેલી સવારથી વાવના તમામ મતદાન કેન્દ્રોમાં મતદારોની ભીડ જોવા મળી રહી છે. ભાજપ ઉમેદવાર સ્વરૂપજી ઠાકોર ભાભર તાલુકાના બિયોક ગામે મતદાન કરવાના છે. જ્યારે અપક્ષ ઉમેદવાર માવજી પટેલ અને કોંગ્રેસ ઉમેદાવર ગુલાબસિંહ રાજપૂત મતદાન નહીં કરી શકે. કારણ કે બંને ઉમેદવારોનું મતદાન ક્ષેત્ર વાવ નહીં પણ થરાદ છે.