Anshuman Gaekwad : પૂર્વ ક્રિકેટર અંશુમાન ગાયકવાડની પ્રાર્થનાસભા, જુઓ કોણે-કોણે આપી હાજરી

ભારતીય ક્રિકેટ ટીમના પૂર્વ ક્રિકેટર અંશુમાન ગાયકવાડનું લાંબી બીમારી બાદ 31 જુલાઈના રોજ વડોદરાની ખાનગી હોસ્પિટલમાં તેમનું નિધન થયું હતું. ત્યાર બાદ 1 ઓગસ્ટે કીર્તિ મંદિર ખાતે શાસ્ત્રોકત વિધિ સાથે અંતિમસંસ્કાર કરવામાં આવ્યા હતા. આજે 8 ઓગસ્ટે વડોદરા સેવાસી ખાતે આવેલી ખાનગી ફાર્મ હાઉસમાં પૂર્વ ક્રિકેટર સ્વ. અંશુમાન ગાયકવાડની પ્રાર્થના સભા યોજવામાં આવી છે. જેમાં પરિવાર, સગા સંબંધીઓ અને પૂર્વ ક્રિકેટરો સહિતના દિગ્ગજો હાજર રહી શ્રદ્ધાંજલિ અર્પણ કરી... વડોદરાના મહારાજા સમરજીતસિંહ ગાયકવાડ અને મહારાણી રાધિકારાજે ગાયકવાડે શ્રદ્ધાંજલિ અર્પણ  કરી હતી. આ ઉપરાંત BCCIના સેક્રેટરી જય શાહ, BCAના ખજાનચી શીતલ મહેતા સહિતના હોદ્દેદારો પણ આવ્યા હતા. તો પૂર્વ ક્રિકેટર કિરણ મોરે, ક્રિકેટર વિરાટ કોહલીના બાળપણના કોચ રાજકુમાર શર્માએ પણ શ્રદ્ધાંજલિ આપી હતી... આ ઉપરાંત  રાજ્ય પોલીસવડા વિકાસ સહાય અને વડોદરા શહેર પોલીસ કમિશનર નરસિંહમા કોમર સહિત વડોદરા રેન્જ આઇજી સંદીપ સિંગ પણ પહોંચ્યા અને તેમણે શ્રદ્ધાંજલિ અર્પિ હતી