સુરતના ઉદ્યોગપતિએ PSIને લાફો મારતો વીડિયો થયો વાયરલ, જુઓ

સુરતના ઉદ્યોગપતિ જે.પી.ઠેસિયાએ PSI રામાવતને લાફો મારતો હોય તેવો વીડિયો વાયરલ થયો છે. અમરેલી-બાબરાના ઈંગોરાળામાં 2 દિવસ પહેલાની ઘટનાનો વીડિયો વાયરલ થયો છે. જે.પી.ઠેસિયાની પોલીસ કર્મી અને અન્ય લોકો સાથે કોઈ બાબતે બોલાચાલી થઈ હતી. ત્યારે જ પીએસઆઈ રામવત નજીક આવતા જ જે.પી.ઠેસિયાએ તેમને લાફો મારી દીધો. ત્યાર બાદ અન્ય એક શખ્સ જે.પી.ઠેસિયાની ધોલાઈ કરે છે. તો પીએસઆઈ રામાવત પણ જે.પી.ઠેસિયાની ધોલાઈ કરતા નજરે પડી રહ્યાં છે. જો કે કયા કારણોસર જે.પી.ઠેસિયાએ પીએસઆઈને લાફો માર્યો તે હજી સુધી જાણી શકાયુ નથી.