વડોદરાઃ નવાપુરામાં દુષિત પાણી પીવાથી બે લોકોના મોત, તંત્ર થયું દોડતું

વડોદરાઃ નવાપુરામાં દુષિત પાણી પીવાથી બે લોકોના મોત થતાં તંત્ર દોડતું થઈ ગયું છે. દુષિત પાણી પીવાથી ઝાડા-ઉલટી પછી 60 વર્ષીય આધેડ અને ચાર વર્ષીય બાળકીનું મોત થયું હોવાનો આક્ષેપ લોકો દ્વારા કરવામાં આવ્યો છે. આ ઘટનાને પગલે નવાપુરામાં કોર્પોરેશનની આરોગ્યની ટીમ દોડી આવી છે. ઘરે ઘરે પાણીના સેમ્પલ લઈ સર્વેની કામગીરી શરૂ કરી છે. દુષિત પાણીના કારણે રોગ વકર્યો છે.