જ્યારે VVS લક્ષ્મણ અને કપિલ દેવને પૂછવામાં આવ્યું 'સોનમ ગુપ્તા બેવફા કેમ છે', મળ્યા આ રસપ્રદ જવાબ

નવી દિલ્લીઃ છેલ્લા કેટલાક દિવસોથી સોશિયલ મીડિયા પર નોટંબંધી બાદ ‘સોનમ ગુપ્તા બેવફા હૈ’નો ટ્રેડ ચાલી રહ્યો છે. આ સંબંધમાં એક વ્યક્તિએ 10 રૂપિયાની નોટ પર ‘સોનમ ગુપ્તા બેવફા હૈ’ લખી તેની  તસવીર સોશિયલ મીડિયા પર પોસ્ટ કરી હતી.  બાદમાં આ ટ્રેડ સોશિયલ મીડિયા પર એક્ટિવ થયો હતો. લોકોએ આ અંગે અનેક જોક્સ, વીડિયો અને ફોટો બનાવી શેર કર્યા હતા. અનેક લોકોએ બતાવ્યું કે સોનમ ગુપ્તા બેવફા કેમ થઇ. આ મુદ્દા પર ભારતના પૂર્વ ક્રિકેટર અને હાલમાં ઇગ્લેન્ડ ભારતની ટેસ્ટ સીરિઝમાં કોમેન્ટ્રી કરી રહેલા આકાશ ચોપરાએ પણ ફેસબુક પર એક વીડિયો  પોસ્ટ કર્યો છે.

 વીડિયોમાં આકાશ ચોપરા કપિલ દેવ, કિરણ મોરે, ડીન ડોન્સ અને વીવીએસ લક્ષ્મણ સહિતના અલગ અલગ ક્રિકેટરોને પૂછી રહ્યા છે કે ‘સોનમ ગુપ્તા બેવફા છે કે નહીં ’. જેના પર કિરણ મોરેએ કહ્યું કે સોનમ બેવફા હોઇ શકે છે. ડિન જોન્સ કહે છે કે તેઓ આ ટ્રેડ અંગે કાંઇ જાણતા નથી. 

જ્યારે લક્ષ્મણને આકાશ ચોપરાએ પૂછ્યું તો લક્ષ્મણે કહ્યું કે, આકાશ ચોપરા આવુ કહી રહ્યો છે. કારણ કે આકાશ ચોપરા ક્યારેય ખોટુ બોલી શકે નહીં. ત્યારબાદ આકાશ ચોપરા કપિલ દેવ પાસે જાય છે. ચોપરા કપિલ દેવને પૂછે છે તો જવાબમાં તેઓ કહે છે કે ના, સોનમ ગુપ્તા બેવફા હોઇ શકે નહીં. તે ક્યારેય બેવફા હોઇ શકે નહીં. આ અફવા છે કારણ કે સોનમ અને ગુપ્તા બેવફા હોઇ શકે નહીં. નોંધનીય છે કે છેલ્લા કેટલાક દિવસથી સોનમ  ગુપ્તા બેવફા હૈ તેવો ટ્રેન્ડ સોશિયલ મીડિયા પર ચાલ્યો હતો.