પત્નીએ 'સંવેદના' ન દર્શાવી તો પતિએ તેને વેચવા માટે eBay પર મૂકી

પત્ની અંગે બે જ દિવસમાં બોલી 65880 પાઉન્ડ પર પહોંચવાથી તેને આશ્ચર્ય થયું છે. જોકે તેની પત્નીને બીજા દિવસે પોતાના વેચામ અંગે જાણકારી મળતા તે તેને મારી નાંખવા માગતી હતી.

સાઈમને સાથે જ જાહેરાતમાં લખ્યું છે કે જો કોઈ તેની પત્નીને બદલે કોઈ યુવા મોડલની ઓફર આપશે તો તે તેના પર વિચાર કરી શકે છે. બ્યૂટી થેરાપિસ્ટ તરીકે કામ કરનાર લિએન્ડ્રાએ કહ્યું, હું ખૂબ જ ગુસ્સામાં હતી, હું તેને મારી નાખવા માગતી હતી. હું જ્યાં કામ કરું છું ત્યાં બધાએ આ જાહેરાત જોઈ અને તે પાગલની જેમ હસી રહ્યા હતા. તેણે માત્ર મને વેચવા જ ન મૂકી પરંતુ મારી ખૂબ જ ખરાબ તસવીરો પણ મૂકી. સાઈમનને કહ્યું કે, સંભવાતિ વેન્ડર્સે કેટલાક ખરાબ મેસેજ પણ મોકલ્યા પરંતુ તેમાંથી મોટા ભાગના જવાબ હસાવે તેવા હતા. ઈબે પરથી જાહેરાત હટાવ્યા બાદ તેણે કહ્યું કે, તે તેનાથી નિરાશ છે કારણ કે તે જોવા માગતો હતો કે બોલી કેટલી ઉંચી લાગે છે. જોકે સાઈમનને સ્પષ્ટ કર્યું છે કે, તેણે આવું લોકોને હસાવવા માટે કર્યું છે. તેની પાછળ તેનો કોઈ અન્ય ઉદ્દેશ ન હતો.