પાકિસ્તાનમાં ચૂંટણીમાં માધુરી દીક્ષિત અને અમિતાબ બચ્ચનની બોલબાલા

નવી દિલ્હીઃ પાકિસ્તાનમાં આજે સામાન્ય ચૂંટણી માટે મતદાન છે. આજે પાકિસ્તાનમાં કોણ પ્રધાનમંત્રી બનશે તે નક્કી થઈ જશે. આ પહેલા ચૂંટણી પ્રચારમાં રાજનીતિક પક્ષો એક બીજા પર કટાક્ષ કરવામાં થાકતા ન હતા ત્યારે પાકિસ્તાનની ચૂંટણીમાં ભારત મહત્ત્વનો મુદ્દો બન્યો છે.

આ બાજુ એક વકિલે આ પોસ્ટને રી-ટ્વીટ કરી લખ્યું છે કે, 'અમિતાભ બચ્ચન તમે પણ માધુરી દિક્ષીત સાથે પીટીઆઈ તરફથી ચૂંટણીમાં ભાગ લઈ રહ્યા છો.' ત્યારબાદ કેટલાએ લોકોએ આ તસવીર શેર કરી, જાતભાતની મજેદાર કોમેન્ટ્સો કરી.

પાકિસ્તાનના એક વ્યક્તિએ આ તસવીર શેર કરી લખ્યું છે કે, ઓહ ખેર... 'સરદાર ડોગર, આપ પર સરદાર બચ્ચન અને સરદારની દિક્ષીત કુરબાન'

મુલ્તાનથી ચૂંટણી લડી રહેલા પીટીઆઈના ઉમેદવાર સરદાર અબ્બાસ ડોગરે એક તસવીર જાહેર કરી છે, જેમાં તેમની સાથે એક બાજુ અમિતાભ બચ્ચન છે તો બીજી તરફ માધુરી દિક્ષીત જોવા મળી રહી છે. ડોગરે ચૂંટણી પ્રચાર હેઠળ આ તસવીર જાહેર કરી છે. આ તસવીર સોશિયલ મીડિયા પર હાલમાં ખૂબ વાયરલ થઈ રહી છે. લોકો આ તસવીરને શેર કરી મજેદાર કોમેન્ટ્સ પણ કરી રહ્યા છે.

એક બાજુ મતદારોને આકર્ષવા માટે રાજનીતિક પક્ષો કાશ્મીર મુદ્દો ઉછાળતા હતો તો બીજી બાજુ પાકિસ્તાનમાં ચૂંટણી પ્રચાર માટે બોલિવૂડના કલાકારોનો ઉપયોગ પણ કરવામાં આવ્યો હતો.