Smart Hand Tolls Kit: ગુજરાત સરકાર ખેડૂતોને સ્માર્ટ હેન્ડ ટુલ્સ કીટ યોજનામાં આપે છે આટલી સહાય ? જાણો કેવી રીતે કરશો અરજી

Gujarat Agriculture News: આ યોજના હેઠળ ખેડૂતોને રૂપિયા 10 હજાર સુધીની સહાય મળવા પાત્ર છે. રાજ્યના સીમાંત ખેડૂતો અને ખેત મજૂરો આ સહાયનો લાભ લઈ શકે છે.

ગુજરાતના સીમાંત ખેડૂતો અને ખેત મજૂરો આ સહાયનો લાભ લઈ શકે છે.

Gujarat Agriculture News: ખેતીમાં ખેડાણ, કાપણી, વાવણી જેવા અગત્યના અને અઢળક શ્રમ માંગી લેતા કાર્યો ખેડૂતો સરળતાથી, સમયસર કરી શકે અને ખેડૂત મહત્તમ ઉત્પાદન મેળવી શકે એ માટે ખેડૂતો પાસે સ્માર્ટ ઓજારો હોવા જરૂરી છે. ગુજરાતના ખેડૂતોને વધુ સારા કૃષિ વિકાસ માટે મદદ કરવા માટે ગુજરાત સરકારે આઇ-ખેડૂત સ્માર્ટ હેન્ડ ટૂલ કીટ સહાય યોજના શરૂ કરી છે. આ યોજના હેઠળ ખેડૂતોને રૂપિયા 10 હજાર સુધીની સહાય મળવા પાત્ર છે. રાજ્યના સીમાંત ખેડૂતો અને ખેત મજૂરો આ સહાયનો લાભ લઈ શકે છે.   

સ્માર્ટ હેન્ડ ટુલ્સ કીટમાં કયા ઓજારો મળી શકે

સાઇન્થ, સીડ ડીબલર, વ્હીલ હો (સીંગલ વ્હીલ)-કીટસ સાથે, ઓટોમેટીક ઓરણી (એક હાર), વ્હીલ-બરો, ફ્રુટ કેચર (વેડો), ફ્રુટ કટર, સી કટર, વેજીટેબલ પ્લાન્ટર, પેડી વિડર, પેડી પેડલ થ્રેસર, કોઇતા, સુગરકેન બડ કટર, પ્રુનીંગ શો, અનવીલટ્રી બ્રાન્ચ લુપર, એડજસ્ટેબલ ટ્રી લુપર, વ્હીલહો (ડબલ વ્હીલ)-કીટસ સાથે, મેન્યુઅલ પેડી સીડર)...

ખેતીમાં ખેડાણ, કાપણી, વાવણી જેવા અગત્યના અને અઢળક શ્રમ માંગી લેતા કાર્યો ખેડૂતો સરળતાથી, સમયસર કરી શકે અને ખેડૂત મહત્તમ ઉત્પાદન મેળવી શકે એ માટે ખેડૂતો પાસે સ્માર્ટ ઓજારો હોવા જરૂરી છે. ખેડૂતોની એ જ જરૂરિયાત માટે છે સ્માર્ટ હેન્ડ ટૂલ્સ કીટ સહાય યોજના. pic.twitter.com/0BZ8YXwNwM

— Gujarat Agriculture, Farmer Welfare & Co-op. Dept. (@GujAgriDept) February 16, 2022

સાધનોની ખરીદી ક્યાંથી કરવી

અરજદારને પૂર્વ મંજુરી મળ્યા બાદ ગુજરાત ખેત ઉધ્યોગ નિગમ લી,ગાંધીનગરના માન્ય વિક્રેતા/ એબીસી/ એએસસી પાસેથી સ્માર્ટ ઓજારોની ખરીદી કરવાની રહેશે

કયા પુરાવા જોઈએ

• ખેડૂત નોંધણી પત્ર નં.
• 7-12, 8-A ખાતા નં.
• આધાર કાર્ડ
• ઓળખપત્ર
• પાસપોર્ટ સાઈઝ ફોટો
• બેંક પાસબુક
• મોબાઇલ નંબર (નોંધણી માટે)
• બેંક ખાતા નં.
• ચેક નં.

સ્માર્ટ હેન્ડ ટુલ્સ કીટની અરજી કયાં કરશો

આ યોજનાનો લાભ મેળવવા ખેડૂતો તમે તેની અરજી ગ્રામ પંચાયતમાં અથવા નજીકના ઓનલાઇન સેન્ટર પર કરી શકે છે. ઉપરાંત I-khedut પોર્ટલ પર તમે જાતે પણ અરજી કરી શકો છો અને આ યોજના નો લાભ લઇ શકો છો.

આ પણ વાંચોઃ