21 વર્ષ જૂના કેસમાં પ્રવીણ તોગડિયાને રાહત, બિનજામીન પાત્ર વોરંટ રદ્દ

કેસની સુનાવણીમાં આરોપીઓને નોટિસ આપવા છતાં તેઓ હાજર નહીં રહેતા તેમની સામે વોરંટ ઈશ્યૂ કરવામાં આવ્યા હતાં. જોકે તેમ છતાં હાજર નહીં રહેતા આખરે કોર્ટે બિનજામીન લાયક વોરંટ ઇશ્યૂ કર્યું છે. આ કેસમાં આરોપીઓને આગામી 30મી જાન્યુઆરીએ કોર્ટ રૂબરૂ હાજર કરવા માટે પોલીસને આદેશ આપવામાં આવ્યો છે.

આ કેસમાં તમામ આરોપીઓ સામેનો કેસ પરત ખેંચવા માટે થોડા સમય અગાઉ ગુજરાત સરકારે સરકારી વકીલને સૂચના આપી હતી. જેને આધારે સરકાર તરફે આ કેસ પરત ખેંચવા માટે અરજી કરવામાં આવી હતી. જોકે મેજિસ્ટ્રેટ કોર્ટે તે અરજી ફગાવી દેતાં સરકારે આ હુકમને સેશન્સ કોર્ટમાં પડકાર્યો હતો. સેશન્સ કોર્ટે કેસને ચલાવવા માટે તાજેતરમાં જ મેજિસ્ટ્રેટ કોર્ટમાં કેસ પરત મોકલ્યો હતો.

આ કેસની વિગત એવી છે કે, ભાજપામાં બે જૂથો વચ્ચે સત્તાના સંઘર્ષમાં ખજૂરાહો ખાતે ગયેલા ધારાસભ્યો વચ્ચે સમાધાન થયા હતા જોકે બાદ ફરીથી એક વખત બંને જૂથો વચ્ચે વિવાદ વર્ક્યો હતો. આ દરમિયાન ગત તા. 20મી મે 1996ના રોજ સરદાર પટેલ સ્ટેડિયમ ખાતે એક જાહેર સંમેલન યોજવામાં આવ્યું હતું. આ સંમેલનમાં શંકરસિંહ વાઘેલા (બાપુ)ના ટેકેદાર તરીકે હાજર રહેલા આત્મારામ પટેલ પર કેટલાક કાર્યકરોએ હુમલો કર્યો હતો. જે હુમલામાં ટોળાંએ આત્મારામ પટેલનું ધોતિયું ખેંચી તેમને જાહેરમાં માર મારવામાં આવ્યા હતા.

અમદાવાદના સરદાર પટેલ સ્ટેડિયમ ખાતે જાહેરસભામાં ભાજપાના વરિષ્ઠ નેતા આત્મારામ પટેલનું ધોતિયું ખેંચી તેમને માર મારવાના અને તેમની હત્યાનો પ્રયાસ કરવાના કેસમાં મેટ્રોપોલિટન કોર્ટે 39 કાર્યકર સામે બિનજામીનપાત્ર વોરંટ ઇશ્યૂ કરી આગામી 30મી જાન્યુઆરી સુધીમાં આરોપીઓને કોર્ટમાં હાજર કરવા પોલીસને આદેશ આપવામાં આવ્યો હતો. અગાઉ આ કેસ બંધ કરવા માટે રાજ્ય સરકારે કરેલા પ્રયાસને કોર્ટે ફગાવી દીધો હતો.

અમદાવાદ : વિશ્વ હિંદુ પરિષદના નેતા પ્રવિણ તોગડિયા સામેનું વૉરંટ રદ્દ કરવામાં આવ્યું છે. ધોતિયાકાંડના આરોપી પ્રવીણ તોગડિયાની અરજી કૉર્ટે માન્ય રાખી અને વૉરંટ રદ્દ કર્યું છે. ધોતિયાકાંડમાં પ્રવીણ તોગડિયા સહિત 39 આરોપી સામે અમદાવાદ મેટ્રો કૉર્ટે વૉરંટ ઈસ્યૂ કરવામાં આવ્યું હતુ, ત્યારબાદ પ્રવિણ તોગડિયા સામેનું વૉરંટ રદ્દ થયું છે.