હાર્દિક પટેલને મળવા આવેલા પ્રફુલ પટેલને પોલીસે રોકતાં અકળાયેલા પટેલે કઈ રીતે પોલીસોને તતડાવ્યા, જાણો વિગત

હું છેલ્લા 28 વર્ષથી સાંસદ છું અને મારી પાર્ટીનો જનરલ સેક્રેટરી છું. મારી ગાડી રોકી દેવામાં આવે છે, મારે અંદર પ્રવેશ માટે વિનંતી કરવી પડે તેનાથી વધારે શરમજનક વાત કંઈ ન હોઈ શકે. મારી તો પોલીસને સલાહ છે કે, આવું કરવાથી હાર્દિકને વધારે સમર્થન મળશે.

પોલીસના આ તાયફા જોઈને ખબર નથી પડતી કે આપણે કઈ દુનિયામાં રહીએ છીએ. એક 25 વર્ષના છોકરા વિરુદ્ધ આ બધું થઈ રહ્યું છે. દેશમાં ગમે ત્યાં જાવ, લોકોને ઉપવાસ પર બેસવાનો અને સરકારનો વિરોધ કરવાનો અધિકાર છે. સરકાર સામે વિરોધ પ્રદર્શનો કરવાનો અધિકાર છે. વિરોધ કરવો એ આપણો મૂળભૂત અધિકાર છે. લોકશાહી દેશમાં આપણને આ અધિકાર છે. આ ખરેખર શરમજનક વાત છે.