13860 કરોડ રૂપિયાની બ્લેકમની જાહેર કરનારા મહેશ શાહને કેટલી થઇ શકે છે જેલની સજા, જાણો વિગતો

મહેશ શાહે જાહેર કરેલી આવક ચાલુ નાણાંકીય વર્ષમાં ગણાશે અને ટેક્સ ભરવાની જવાબદારી તેની રહેશે, તેની સામે પ્રોસિક્યુશન થઈ શકે. ડેક્લેરેશનમાં ખોટી માહિતી દર્શાવવા બદલ પણ પ્રોસિક્યુશન સહિતના પગલાં લઈ શકાશે. પેનલ્ટી સહિત ટેક્સ ભરવાની જવાબદારી તેની થશે.

મીડિયા સાથેની વાતચીતમાં મહેશ શાહે કહ્યુ હતું કે, આ રકમ મારી નથી. આ રૂપિયા અધિકારીઓ, બિલ્ડરો, રાજનેતાઓના છે. મેં તો ફક્ત કમિશન માટે આ રકમ મારા નામે જાહેર કરી છે. મહેશ શાહના આઈ.ડી.એસ. સંબંધિત કેટલાંક ટેકનીકલ અને કાનૂની મુદ્દા ઉભા થયા હોવાથી તે અંગે જાણતા ટેક્સ કન્સલ્ટન્ટના અભિપ્રાયો મેળવવામાં આવ્યા હતા.