ગુજરાતમાં ભારેથી અતિભારે વરસાદની આગાહી, જાણો ક્યારે પડશે ધોધમાર વરસાદ...

અમદાવાદઃ ગુજરાતમાં ફરી એક વખત વરસાદી માહોલ જામ્યો છે. હવામાન વિભાગે ફરી એક વખત ગુજરાતમાં ભારેથી અતિભારે વરસાદની આગાહી કરી છે. હવામાન વિભાગના જણાવ્યાનુસાર રાજ્યમાં વધુ એક વખત વરસાદી સિસ્ટમ સક્રિય થઈ છે. જેના લીધે આગામી 29 ઓગસ્ટથી 8 સપ્ટેમ્બર સુધી ભારેથી અતિભારે વરસાદ પડી શકે છે.

હવામાન જ્યોતિષી અંબાલાલ પટેલે જણાવ્યું કે, વરસાદ હજુ ગયો નથી. 28 ઓગસ્ટ સુધી હળવા ઝાપટાં ચાલુ રહેશે અને ત્યારબાદ 29મીથી દક્ષિણ ગુજરાત, સૌરાષ્ટ્ર અને ઉત્તર ગુજરાતના કેટલાક ભાગોમાં ભારેથી અતિભારે વરસાદ પડી શકે છે.