Dussehra 2022: દશેરા પર બની રહ્યો છે આ દુર્લભ યોગ, જાણો વિજય મુહૂર્ત અને કેમ ઉજવવામાં આવે છે
Dussehra 2022: આ વર્ષે દશેરા ખૂબ જ વિશેષ અને દુર્લભ યોગનો સમન્વય લઈને આવી રહ્યો છે, તેમાં ખરીદી અને પૂજા કરવાથી ઘરમાં સુખ-સમૃદ્ધિ આવશે અને નકારાત્મક ઉર્જાનો નાશ થશે.
Dussehra 2022: હિંદુ કેલેન્ડર મુજબ, દશેરાનો તહેવાર આસો સુદ દશમની તિથિના રોજ ઉજવવામાં આવે છે. તેને વિજય દશમી તરીકે પણ ઓળખવામાં આવે છે કારણ કે ત્રેતાયુગમાં આ તિથિએ ભગવાન રામે લંકાના રાવણને હરાવીને અનિષ્ટ પર સારાની જીત મેળવી હતી. આ વર્ષે દશેરા ખૂબ જ વિશેષ અને દુર્લભ યોગનો સમન્વય લઈને આવી રહ્યો છે, તેમાં ખરીદી અને પૂજા કરવાથી ઘરમાં સુખ-સમૃદ્ધિ આવશે અને નકારાત્મક ઉર્જાનો નાશ થશે. આવો જાણીએ દશેરાની તારીખ, યોગ અને મુહૂર્ત.
દશેરા 2022 ક્યારે છે?
આ વર્ષે દશેરા 5 ઓક્ટોબર 2022ના રોજ ઉજવવામાં આવશે. પંચાંગ અનુસાર, આસો સુદ દસમી તિથિ 4 ઓક્ટોબર, 2022 મંગળવારના રોજ બપોરે 2:20 વાગ્યાથી શરૂ થઈ છે અને બીજા દિવસે એટલે કે 5 ઓક્ટોબર, 2022ના રોજ બપોરે 12 વાગ્યા સુધી રહેશે.
વિજય મુહૂર્ત - 02:13 pm થી 03 pm (5 ઓક્ટોબર 2022)
દશેરા 2022 શુભ યોગ
વિજયાદશમી પર આ વર્ષે 3 શુભ યોગ રવિ, સુકર્મ અને ધૃતિ યોગ બની રહ્યા છે, જે આ દિવસનું મહત્વ બમણું કરશે.
- રવિ યોગ - 5 ઓક્ટોબરે સવારે 6.21 થી 09.15
- સુકર્મ યોગ - 4 ઓક્ટોબર 2022, સવારે 11.23 અને 5 ઓક્ટોબર 2022, સવારે 8.21
- ધૃતિ યોગ - 5મી ઑક્ટોબર 2022, સવારે 8.21 અને 6 ઑક્ટોબર 2022, સવારે 05.19
દશેરા શા માટે ઉજવીએ છીએ
આ દિવસે, અસત્ય પર સત્યની જીતની ઉજવણી અનિષ્ટના પ્રતીક રાવણના પૂતળાને બાળીને ઉજવવાની પરંપરા છે. આ સાથે શસ્ત્રોની પૂજા કરવામાં આવે છે. નવરાત્રીમાં મા દુર્ગાએ રાક્ષસોના સ્વામી મહિષાસુર સાથે 9 દિવસ સુધી ભયંકર યુદ્ધ કર્યું હતું અને દશમીના દિવસે તેનો નાશ કરીને તેણે અધર્મ પર ધર્મનો વિજય મેળવ્યો હતો.
Disclaimer:અહીં આપેલી માહિતી માત્ર ધારણાઓ અને માન્યતા પર આધારિત છે. અત્રે એ ઉલ્લેખ કરવો જરૂરી છે કે abp અસ્મિતા કોઈપણ પ્રકારની માન્યતા, માહિતીને સમર્થન આપતું નથી. કોઈપણ માહિતી અથવા ધારણા લાગુ કરતાં પહેલાં, સંબંધિત નિષ્ણાતની સલાહ લો.
આ પણ વાંચોઃ
Dussehra 2022 Upay: દશેરા પર કરો આ ઉપાય, શત્રુ થશે પરાજિત, દરેક ક્ષેત્રમાં થશે વિજય
ટોપ સ્ટોરી
ટ્રેન્ડિંગ સમાચાર
