Holika Dahan 2021: આજે કયા મુહૂર્તમાં થશે હોલિકા દહન, કથા અને પૂજન વિધિ જાણો
હોલિકા દહનની વિધિનું અનેક ગણું મહત્વ છે. તે નકારાત્મકતાને દૂર કરીને સકારાત્મકતાના સંચારનો સંદેશ આપે છે. હોલિકા દહન સમયે અગ્નિમાં ક્યા પદાર્થ હોમવાથી શું લાભ મળે છે અને કઇ રીતે થાય છે પૂજન જાણીએ...
Holika Dahan 2021: ભારતીય નવ સંવત્સર ચૈત્ર શુક્લ પ્રતિપદાની પહેલી તિથિથી શરૂ થાય છે. તેના આગમન પહેલા ચાલુ સંવત્સરને વિદાય આપવા માટે તેની નકારાત્મકતાને સમાપ્ત કરવા માટે હોલિકા દહન (holika dahan) કરવામાં આવે છે. કેટલીક જગ્યાએ તેને સંવત દહન પણ કહે છે. તેની પાછળ જો કોઇ પૌરાણિક કથા છે તો વૈજ્ઞાનિક તથ્યો પણ છે. આસુરીશક્તિ સામે ધર્મના વિજયના પ્રતીક રૂપે આ તહેવારની ઉજવણવી કરવામાં આવે છે.
હોલિકા દહન શેરી મહોલ્લા અને ચાર રસ્તા પર શુભ મુર્હુત જોઇને પ્રગટાવવામાં આવે છે. હોલિકા દહન(holika dahan) ની વિધિ અને તેના લાભને સમજી લઇએ. હોલિકા દહન બાદ તેની પ્રદક્ષિણા કરીને વંદન કરાઇ છે. પાણીની ધારા સાથે પણ હોલિકાની પ્રદક્ષિણા કરવાનું વિધાન છે. કહેવાય છે કે, તે દિવસે મનની દરેક સમસ્યાનું નિવારણ મળી શકે છે. રોગ બીમારી અને વિરોધી શક્તિ સામે મુક્તિ મળી શકે છે. આર્થિક મુશ્કેલીઓથી રાહત મળી શકે છે. જો આપ પણ આ તમામ સમસ્યાથી મુક્તિ ઇચ્છતા હો તો અગ્નિમાં અમુક પદાર્થ નાખીને આ સંકટથી મુક્તિ મેળવી શકો છો.
હોલિકા દહનનું મૂહૂર્ત
- હોલિકા દહન રવિવાર, માર્ચ 28, 2021,
- હોલિકા દહન મુહૂર્ત, સાંજે 6 વાગ્યાને 37 મિનિટથી 8.56 મિનિટ સુધી
- અવધિ- 2 વાગે 2 મિનિટે
ચાર શુભ મૂહૂર્ત
- અભિજીત મુહૂર્ત- 28 માર્ચ બપોર 12 કલાકે 07 મિનિટથી 12.56 સુધી
- અમૃત કાળ- 28 માર્ચ સવારે 11 વાગ્યાના 4 મિનિટથી 12.31 મિનિટ સુધી
- સર્વાર્થસિદ્ધ યોગ- 28 માર્ચ સવારે 6 વાગ્યાના 26 મિનિટથી સાંજે 5.36 સુધી
- અમૃત સિદ્ધ યોગ- 28 માર્ચ સવારે 5 વાગ્યાથી 36 મિનિટથી 29 માર્ચની સવારે 6 વાગ્યાને 25 મિનિટ સુધી
આ વર્ષે હોલિકાની અગ્નિમાં શું કરશો અર્પિત?
- સારા સ્વાસ્થ્ય માટે તલના દાણા કરો અર્પિત
- બીમારીથી મુક્તિ માટે લીલી ઇલાયચી અને કપૂર હોમો
- ધન લાભ માટે ચંદનનું કાષ્ટ કરો અર્પિત
- રોજગાર માટે પીળી સરસો કરો અર્પણ
- લગ્ન અથવા દામ્પત્ય જીવનની સમસ્યા માટે હાવન સામગ્રી
- નકારાત્મક ઉર્જાથી મુક્તિ મેળવવા માટે રાય કરો અર્પિત
ટ્રેન્ડિંગ સમાચાર
ટોપ સ્ટોરી
