Jagannath Rath Yatra 2024: પુરીમાં 53 વર્ષ બાદ બે દિવસ નીકળશે રથયાત્રા, જાણો શું છે કારણ

Puri Rath Yatra: રાષ્ટ્રપતિ દ્રૌપદી મુર્મુ પણ રવિવારે લાખો ભક્તો સાથે આ રથયાત્રા નિહાળશે. રાજ્ય સરકારે આ માટે ખાસ વ્યવસ્થા કરી છે.

પુરી રથયાત્રા

Source : PTI

Jagannath Rath Yatra 2024 Latest News: ઓડિશાના પુરી શહેરમાં છેલ્લા બે-ત્રણ દિવસથી એક અલગ જ ચમક જોવા મળી રહી છે. રવિવારથી શરૂ થતા ભગવાન જગન્નાથના વાર્ષિક રથયાત્રા ઉત્સવના સુચારૂ સંચાલન માટે શહેર સજ્જ છે. આ વખતની ઘટના એકદમ ખાસ છે. ખરેખર, 53 વર્ષ પછી આ યાત્રા બે દિવસની હશે.

રાષ્ટ્રપતિ દ્રૌપદી મુર્મુ પણ રવિવારે લાખો ભક્તો સાથે આ રથયાત્રા નિહાળશે. રાજ્ય સરકારે આ માટે ખાસ વ્યવસ્થા કરી છે. અધિકારીઓએ જણાવ્યું હતું કે ઓડિશા સરકારે યાત્રાના સરળ સંચાલન માટે વિસ્તૃત વ્યવસ્થા કરી છે, જે સામાન્ય રીતે એક જ દિવસે કરવામાં આવે છે.

આ વર્ષે આ બે દિવસની યાત્રા પાછળનું કારણ છે

જાણકારોનું કહેવું છે કે ગ્રહો અને નક્ષત્રોની ગણતરી પ્રમાણે આ વર્ષે બે દિવસની યાત્રાનું આયોજન કરવામાં આવ્યું છે, જ્યારે અગાઉ વર્ષ 1971માં બે દિવસીય યાત્રાનું આયોજન કરવામાં આવ્યું હતું. અહેવાલ છે કે પરંપરાથી વિદાય લેતા, ત્રણ ભાઈ-બહેન દેવતાઓ - ભગવાન જગન્નાથ, બહેન સુભદ્રા અને ભાઈ બલભદ્ર સાથે સંબંધિત તહેવાર સાથે સંકળાયેલી કેટલીક ધાર્મિક વિધિઓ પણ રવિવાના જ દિવસે કરવામાં આવશે.

જગન્નાથ મંદિરના સિંહ દ્વાર પર રથ ઊભા રહેશે

રથયાત્રામાં ભાગ લેનારા રથને જગન્નાથ મંદિરના સિંહદ્વારની સામે પાર્ક કરવામાં આવ્યા છે, જ્યાંથી તેમને ગુંડીચા મંદિરમાં લઈ જવામાં આવશે. એક સપ્તાહ સુધી રથ ત્યાં રહેશે. રવિવારે બપોરે ભક્તો રથ ખેંચશે. આ વર્ષે રથયાત્રા અને સંબંધિત ધાર્મિક વિધિઓ જેવી કે 'નવયૌવન દર્શન' અને 'નેત્ર ઉત્સવ'નું આયોજન એક જ દિવસે રવિવારે એટલે કે 7મી જુલાઈ 2024ના રોજ કરવામાં આવશે. આ ધાર્મિક વિધિઓ સામાન્ય રીતે રથયાત્રા પહેલા કરવામાં આવે છે.

પૌરાણિક કથાઓ અનુસાર સ્નાન પૂર્ણિમાના દિવસે અતિશય સ્નાન કરવાથી દેવતાઓ અસ્વસ્થ થઈ જાય છે અને તેથી અંદર રહે છે. 'નવયુવન દર્શન' પહેલાં, પૂજારીઓ 'નેત્ર ઉત્સવ' નામની એક વિશેષ વિધિ કરે છે.

#WATCH | Odisha: Two-day Lord Jagannath Rath Yatra in Puri to commence today. Along with lakhs of devotees, President Droupadi Murmu will also attend the annual festival. pic.twitter.com/7Q9WYQCJw5

— ANI (@ANI) July 7, 2024