Garuda Purana: સૌભાગ્ય અને વિદ્યા છીનવી લે છે વ્યક્તિની આ આદતો, જાણો ગરૂડ પુરાણની ખાસ વાતો

Garuda Purana: ગરુડ પુરાણ મૃત્યુ પછી મોક્ષ પ્રદાન કરનાર માનવામાં આવે છે. તેના દેવ સ્વયં વિષ્ણુ છે. ગરુડ પુરાણ અનુસાર, વ્યક્તિએ આ જીવનમાં અને મૃત્યુ પછી પણ તેના કર્મોનું ફળ ભોગવવું પડે છે.

ગરુડ પુરાણ

Garuda Purana Significance: ગરુડ પુરાણ હિન્દુ ધર્મમાં એક મહત્વપૂર્ણ પુરાણ છે. તે વેદ પછી હિંદુ ધર્મના મુખ્ય ગ્રંથોમાંનો એક છે. આ પુરાણમાં આધ્યાત્મિક, ધાર્મિક અને દાર્શનિક જ્ઞાન આપવામાં આવે છે. ગરુડ પુરાણમાં ભગવાન વિષ્ણુ અને તેમના ભક્ત ગરુડની વાતચીત અને ઉપદેશો છે.

આ પુરાણમાં ધર્મ, અધ્યાત્મ, મોક્ષ, જીવનપદ્ધતિ, જીવોના કાર્યો અને તેના પરિણામોની વિસ્તૃત ચર્ચા કરવામાં આવી છે. જીવનનું રહસ્ય તેમાં છુપાયેલું છે. કોઈના મૃત્યુ પછી ગરુડ પુરાણનો પાઠ કરવામાં આવે છે. એવું માનવામાં આવે છે કે ગરુડ પુરાણ દ્વારા જ આત્માને આ સંસારમાંથી મુક્તિ મળે છે.

દરેક વ્યક્તિએ તેના કર્મોનું ફળ ભોગવવું જ પડે છે

ગરુડ પુરાણ મૃત્યુ પછી મોક્ષ પ્રદાન કરનાર માનવામાં આવે છે. તેના દેવ સ્વયં વિષ્ણુ માનવામાં આવે છે, તેથી જ તે વૈષ્ણવ પુરાણ છે. ગરુડ પુરાણ અનુસાર, વ્યક્તિએ આ જીવનમાં અને મૃત્યુ પછી પણ તેના કર્મોનું ફળ ભોગવવું પડે છે. ગરુડ પુરાણમાં કહેવામાં આવ્યું છે કે મૃત્યુ પછી મનુષ્યનું શું થાય છે.

એક તરફ, ગરુડ પુરાણ મૃત્યુ પછીની સ્થિતિઓ અને કર્મોના આધારે મળેલા પરિણામો વિશે જણાવે છે, તો બીજી તરફ તે લોકોને નીતિઓ અને નિયમો શીખવીને ભલાઈ અને ધર્મના માર્ગ પર ચાલવાની પ્રેરણા પણ આપે છે.

ગરુડ પુરાણમાં આવી ઘણી વાતો લખવામાં આવી છે, જેને અનુસરવાથી વ્યક્તિ દરેક પરેશાનીઓમાંથી બચી શકે છે. આ વસ્તુઓ જીવનને સરળ બનાવી શકે છે. ગરુડ પુરાણ અનુસાર, વ્યક્તિની કેટલીક આદતો તેના સૌભાગ્ય અને જ્ઞાનને છીનવી લે છે અને વ્યક્તિ રોગ અને શત્રુઓથી ઘેરાઈ જાય છે.

ગરુડ પુરાણની કેટલીક ખાસ વાતો

• શાસ્ત્રોમાં માતા લક્ષ્મીને સૌભાગ્ય અને સમૃદ્ધિ આપનાર દેવી માનવામાં આવે છે. માતા લક્ષ્મીને સ્વચ્છતા ખૂબ જ પસંદ છે. એવા લોકો જેઓ અમીર હોવા છતાં ગંદા કપડા પહેરે છે તેમને દેવી લક્ષ્મીની નારાજગીનો સામનો કરવો પડે છે. માતા લક્ષ્મી એવા લોકોનું સૌભાગ્ય હરણ કરે છે જેઓ પોતાના ઘરમાં સ્વચ્છતા નથી રાખતા અને પોતાના શરીરને યોગ્ય રીતે સાફ નથી કરતા. આવા લોકોને સમાજમાં પણ માન-સન્માન નથી મળતું અને ધીમે ધીમે તેમની બધી કીર્તિ નષ્ટ થઈ જાય છે.
• ગરુણ પુરાણ અનુસાર જો વ્યક્તિ સતત પ્રયત્નો કરે તો તે કોઈપણ કાર્યમાં નિપુણતા પ્રાપ્ત કરી શકે છે. જેઓ પ્રેક્ટિસ કરવાનું બંધ કરે છે તેઓ એ જ્ઞાન પણ ભૂલી શકે છે જે તેમણે શીખવા માટે સખત મહેનત કરી હતી. પ્રેક્ટિસ ન કરવાની આદત લોકોનું જ્ઞાન છીનવી લે છે.
• ગરુણ પુરાણ અનુસાર, આ સમાજમાં ખરાબ લોકોથી સુરક્ષિત રહેવા માટે તમારે થોડું હોશિયાર બનવું પડશે. સમાજમાં ઘણા દુશ્મનો છે જે તમારો ફાયદો ઉઠાવશે. તેથી, જો તમે હોશિયારી નહીં બતાવો તો તમારું નુકસાન શક્ય છે. તેથી, વ્યક્તિએ યોગ્ય નીતિઓનો ઉપયોગ કરીને દુશ્મનનો નાશ કરવાની કળા શીખવી જોઈએ.

Disclaimer: અહીં આપેલી માહિતી માત્ર ધારણાઓ અને માહિતી પર આધારિત છે. અત્રે એ ઉલ્લેખ કરવો જરૂરી છે કે ABPLive.com કોઈપણ માહિતીનું સમર્થન કે પુષ્ટિ કરતું નથી. કોઈપણ માહિતી અથવા માન્યતાને અમલમાં મૂકતા પહેલા, સંબંધિત નિષ્ણાતની સલાહ લો.