Rukmini Dwadashi 2023: અહીંયા આ રીતે પૂરી થાય છે કુંવારી યુવતિઓના લગ્નની ઈચ્છા, મળે છે શ્રીકૃષ્ણ જેવો વર

શાસ્ત્રો અનુસાર રુક્મિણીને લક્ષ્મીજીનો અવતાર માનવામાં આવે છે.માન્યતા અનુસાર શ્રી કૃષ્ણે રુક્મિણીનું અપહરણ કરીને તેની સાથે લગ્ન કર્યા હતા.

કૃષ્ણ અને રુકિમણી

Rukmini Dwadashi 2023: રુકિમણી દ્વાદશી દર વર્ષે વૈશાખ સુદ 12ના રોજ ઉજવવામાં આવે છે. શાસ્ત્રો અનુસાર રુક્મિણીને લક્ષ્મીજીનો અવતાર માનવામાં આવે છે.માન્યતા અનુસાર શ્રી કૃષ્ણે રુક્મિણીનું અપહરણ કરીને તેની સાથે લગ્ન કર્યા હતા. અને જે મંદિરમાં તેમના લગ્ન થયા હતા તે મંદિર આજે પણ તે જ જગ્યાએ છે. તે અવંતિકા દેવી મંદિર તરીકે ઓળખાય છે. ઉત્તર પ્રદેશના બુલંદશહેરમાં સ્થિત જહાંગીરાબાદથી લગભગ 15 કિ.મી. આ મંદિર આજે પણ ગંગા નદીના કિનારે આવેલું છે.આ મંદિર સાથે જોડાયેલી એવી માન્યતા છે કે જે કોઈ પણ પોતાના લગ્ન સંબંધી કોઈ ઈચ્છા લઈને અહીં દર્શન કરવા આવે છે તો તેની મનોકામના અવશ્ય પૂરી થાય છે.

આ સાથે જોડાયેલી વાર્તા અનુસાર, રુક્મિણીના મોટા ભાઈ રુક્મીએ તેના લગ્ન શ્રી કૃષ્ણના ભાઈ શિશુપાલ સાથે નક્કી કર્યા હતા. રુક્મી અને શિશુપાલ બંનેને શ્રી કૃષ્ણ સાથે દુશ્મની હતી. રુક્મિણી ફક્ત શ્રી કૃષ્ણ સાથે જ લગ્ન કરવા માંગતી હતી, તેથી તેણે અવંતિકા દેવી મંદિરના પૂજારી દ્વારા શ્રી કૃષ્ણને આ વાત જણાવી. આ જાણીને શ્રી કૃષ્ણએ રુક્મિણીનું અપહરણ કર્યું અને અવંતિકા દેવીના મંદિરમાં જ રુક્મિણી સાથે લગ્ન કર્યા. તે દિવસે વૈશાખ મહિનાની દ્વાદશી તિથિ હતી, આ કારણથી આ દિવસને રુક્મિણી દ્વાદશી તરીકે ઉજવવામાં આવે છે.

દર્શન માત્રથી થાય છે જલ્દી લગ્ન

આ મંદિરમાં મા અવંતિકા દેવી પર સિંદૂર અને દેશી ઘી ચઢાવવામાં આવે છે. જેનાથી દરેક મનોકામના પૂર્ણ થાય છે. કુંવારી યુવતિઓ જો અહીં સિંદૂર અને દેશી ઘી ચઢાવે તો યોગ્ય વરની ઈચ્છા જલદી પૂરી થાય છે. કારણકે રુક્મિણીએ શ્રીકૃષ્ણને પતિ રૂપમાં પ્રાપ્ત કરવા માટે દેવીનું પૂજન કર્યુ હતું. મહાભારત કાળમાં આ મંદિર અહાર નામથી ઓળખાતું હતું.

ગંગા સ્નાન માટે આજે પણ આવે છે રુકિમણી

પૌરાણિક ધર્મગ્રંથો અનુસાર અહીંયા રુકિમણી દરરોજ ગંગા કિનારે સ્થાપિત અવંતિકા દેવીના મંદિરમાં પૂજા કરવા આવતી હતી. આ મંદિરમાં શ્રીકૃષ્ણ અને રુકિમણીનું મિલન થયું હતું. એક લોકવાયકા મુજબ આજે પણ રુકિમણી અહીં ગંગા સ્નાન માટે આવે છે.

Disclaimer: અહીં આપેલી માહિતી માત્ર ધારણાઓ અને માન્યતા પર આધારિત છે. અત્રે એ ઉલ્લેખ કરવો જરૂરી છે કે,abp અસ્મિતા  કોઈપણ પ્રકારની  માહિતી, ધારણા કે માન્યતાની  પુષ્ટિ કરતું નથી. કોઈપણ માહિતી અથવા માન્યતા પર  કાર્ય કરતા પહેલા, સંબંધિત નિષ્ણાતની સલાહ લો