6000 રૂ. સસ્તું થઇ ગયું આ સ્કૂટર, લોકો માટે કંપનીએ બદલી નાંખ્યુ આ ટૂ-વ્હીલરનું નામ
New Scooter In India: ડૉટ વનની જેમ વનએસમાં પણ 3.7 kWh બેટરી પેક છે, જે 8.5 kW પાવર પ્રદાન કરે છે
New Scooter In India: સિમ્પલ એનર્જીએ ભારતીય બજારમાં એક નવું સ્કૂટર લૉન્ચ કર્યું છે. હકીકતમાં કંપનીએ તેના ડૉટ વન (.વન) સ્કૂટરનું નામ બદલીને તેને નવા નામ OneS સાથે લૉન્ચ કર્યું છે. કંપનીએ આ સ્કૂટરની કિંમત પાછલા મૉડલની સરખામણીમાં છ હજાર રૂપિયા ઘટાડી છે. લોકો માટે સ્કૂટરનું નામ સરળ બનાવવા માટે કંપનીએ આ સ્કૂટરનું નામ બદલ્યું છે.
6,000 રૂપિયા સસ્તું થઇ ગયું સ્કૂટર
સિમ્પલ એનર્જી એ બેંગલુરુ સ્થિત સ્ટાર્ટઅપ કંપની છે જે ઇલેક્ટ્રિક સ્કૂટરનું ઉત્પાદન કરે છે. વર્ષ 2023 માં, કંપનીએ ડૉટ વન નામનું ટૂ-વ્હીલર લૉન્ચ કર્યું. કંપનીએ બીજું સ્કૂટર વન લૉન્ચ કર્યું છે, જેને 2025 માં અપડેટ કરવામાં આવ્યું છે. હવે સિમ્પલ એનર્જીએ ડૉટ વન ટૂ વન એસ અપડેટ કર્યું છે.
નવા સ્કૂટર OneS નો પાવર
ડૉટ વનની જેમ વનએસમાં પણ 3.7 kWh બેટરી પેક છે, જે 8.5 kW પાવર પ્રદાન કરે છે. આ ઇલેક્ટ્રિક સ્કૂટર માત્ર 2.55 સેકન્ડમાં 0 થી 40 કિમી પ્રતિ કલાકની ઝડપ પકડી શકે છે. સિમ્પલ એનર્જીની આ EV સોનિક મોડમાં 105 કિમી પ્રતિ કલાકની ઝડપે ચાલી શકે છે. વન એસ ને તેના પાછલા મોડેલની તુલનામાં એક વધુ રંગ વિકલ્પ આપવામાં આવ્યો છે. OneS માં લાલ રંગનો વિકલ્પ પણ આપવામાં આવ્યો છે.
OneS EV ની રેન્જ
OneS પર 3.7 kWh બેટરી પેક એક જ ચાર્જ પર 181 કિમીની રેન્જ આપે છે. આ સ્કૂટરમાં લાગેલ મોટર 72 Nm નો ટોર્ક જનરેટ કરે છે. ડોટ વન ઇલેક્ટ્રિક સ્કૂટર બ્રેઝન બ્લેક, એઝ્યુર બ્લુ અને ગ્રેસ વ્હાઇટ કલર વિકલ્પોમાં આવ્યું હતું. પરંતુ હવે આ EV નમ્મા રેડ કલર વિકલ્પમાં OneS નામ સાથે પણ આવી છે.
ટોપ સ્ટોરી
ટ્રેન્ડિંગ સમાચાર
