ભારતમાં લોન્ચ થશે પહેલું એન્ડ્રોઈડ સ્કૂટર, જાણો શું હશે ખાસિયત, કેટલી હશે કિંમત?

ભારતમાં એથર S340નો મુકાબલો ટ્વેન્ટી ટૂ મોટર્સના ફ્લો સાથે હશે. આ સ્કૂટર 2 કલાકમાં ચાર્જ થઈ જાય છે. એકવાર ફૂલ ચાર્જ થવા પર ફ્લો-સ્કૂટરને 80 કિમી સુધી ચલાવી શકાશે. તેની ટોપ સ્પીડ 60 કિમીની છે. ટ્વેન્ટી ટૂ મોટર્સએ ઓટો એક્સપો દરમિયાન પોતાનું પહેલું ઈલેક્ટ્રિક સ્કૂટર ફ્લો લોન્ચ કર્યું હતું જેની કિંમત 74,740 રૂપિયા હતી. આ સ્કૂટરમાં 2.1 કિલોવોટ ઈલેક્ટ્રોનિક મોટર આપેલી છે, જે 90 ન્યૂટન મીટરનો ટોર્ક જનરેટ કરે છે.

S340ને પાવર આપવા માટે તેમાં લિથિયમ-આયર્ન બેટરી પેક આપવામાં આવશે. એકવાર ફુલ ચાર્જ કરવા પર તેને 60 કિમી સુધી ચલાવી શકાય છે. તેની ટોપ સ્પીટ 72 કિમી પ્રતિ કલાકની હશે. એથર S340ની સૌથી ખાસ વાત એ છે કે તેને માત્ર 50 મિનિટમાં જ 80 ટકા સુધી ચાર્જ કરી શકાશે. તેની બેટરી લાઈફ 50,000 કિમી સુધીની કહેવાઈ રહી છે.