1 એપ્રિલથી પાઈપથી મળતો રાંધણ ગેસ, CNG, વીજળી થશે મોંઘી, જાણો શું છે કારણ? બીજા શાના ભાવ પણ વધશે?

બીજી તરફ ઉત્પાદન ખર્ચ વધતા સીએનજી, પાઈપ લાઈન ગેસ પણ મોંઘો થશે. વીજ ઉત્પાદન અને ફર્ટિલાઈઝરના ઉત્પાદનમાં પણ ગેસનો ઉપયોગ થઈ રહ્યો છે ત્યારે ગેસ આધારીત વીજળી અને ફર્ટિલાઈઝર પણ મોંઘા થવાની સંભાવના છે.

૧ લી ઓકટોબર ૨૦૧૬ના રોજ છેલ્લા ભાવ ૩.૬ ડોલર હતો. જે ૧૮ ટકા ઘટીને ૨.૫ ડોલર નક્કી કરાયો હતો. હવે ભાવ વધારાથી અપસ્ટ્રીમ ગેસ ઉત્પાદકોને હાલમાં ઉત્પાદન ખર્ચ કરતાં પણ ઓછી કિંમત મળી રહી છે તેમને ફાયદો થશે.

તમને જણાવીએ કે વિતેલા બે વર્ષમાં પ્રથમ વખત ગેસના ભાવમાં વધારો કરવામાં આવી રહ્યો છે અને આવતા નાણાંકીય વર્ષ 2017-18ના બીજા ક્વાર્ટરમાં દર વધીને 3.1 mmBtu સુધી પહોંચી શકે છે.

જોકે ગેસની કિંમત યૂએસ હેનરી હબ બેન્ચમાર્કથી નક્કી થાય છે. પાવર, ફર્ટિલાઈઝર, પેટ્રોકેમિકલ્સ અને કાર માટે CNG તરીકે ઉપયોગ થનાર નેચરલ ગેસની કિંમત વધીને 2.7 ડોલર mmBtu યૂનિટ થઈશકે છે. જે હાલમાં 2.5 mmBtu છે.

નવી દિલ્હીઃ આગામી 1 એપ્રિલથી નેચરલ ગેસની કિંમતમાં 8 ટકાનો વધારો થઈ શકે છે. જેના કારણે વિજળી, ફર્ટિલાઈઝર, પાઈપલાઈન ગેસ અને સીએનજીના ભાવમાં પણ વધારો થશે તેમ મનાય છે. કેન્દ્ર સરકારે જાહેર કરેલી નીતિ મુજબ દર છ મહિને ગેસના ભાવ નક્કી કરવામાં આવે છે. વર્ષમાં ૨ વખત ૧ લી એપ્રિલ અને ૧ લી ઓકટોબરના રોજ ભાવ નક્કી કરવામાં આવતા હોય છે.