આ બિઝનેસમેને સ્ટાફને આપી 26 કરોડની ન્યૂ યર પાર્ટી

નવી દિલ્હીઃ સ્નેપચેટના સીઈઓએ પોતાની અમીરી બતાવતા એ નિવેદનની યાદ અપાવી જેમાં તેણે કહ્યું હતું કે, અમારી એપ અમીરો માટે છે, ભારત ગરીબ દેશ છે. આમ તો 27 વર્ષીય Evan Spiegel કરોડપતિ છે. તેની પાસે 3.5 બિલિયન ડોલરની સંપત્તિ છે. જોકે આ વકતે ઈવન તેના ખર્ચાને કારણે ચર્ચામાં છે. ઈવાન સ્પીગલે પોતાના સ્ટાફને કરોડો રુપિયા ખર્ચીને ન્યૂ યર પાર્ટીનું આયોજન કર્યુ હતું. આ વાંચીને તમને પણ લાગશે કે ઈવાનને ‘બોસ ઓફ ધ યર’નો અવોર્ડ મળવો જોઈએ.

મીડિયા રિપોર્ટ્સ પ્રમાણે, આ પાર્ટીમાં શામેલ થવા માટે દુનિયાભરથી સ્નેપચેટના લગભગ 5000 કર્મચારીઓ લોસ એન્જલસ પહોંચ્યા હતા. ઈવાને આ પાર્ટી પાછળ 4 મિલિયન ડોલર એટલે કે લગભગ 26 કરોડ રુપિયા ખર્ચ કર્યો છે. ઈવાને પાર્ટી માટે લોસ એન્જલ્સમાં માઈક્રોસોફ્ટ થિએટર, પ્લશ બૉલિંગ એલી અને રેસ્ટોરાં રેન્ટ પર લીધા હતા.