પ્રેમિકા સાથે યુવક સાસરીમાં મધરાતે માણી રહ્યો હતો શરીર સુખ ને પકડાઈ ગયો, લોકોએ ખૂંટે બાંધીને આંખોમાં તેજાબ નાંખ્યો ને....

પોલીસે ઘાયલ યુવકને ભીડમાંથી બચાવ્યો અને પછી તેને સારવાર માટે સદર હોસ્પિટલમાં દાખલ કર્યો. ઘાયલ યુવકની ઓળખ પીપરા પોલીસ સ્ટેશન વિસ્તારના પાથરા દક્ષિણ પંચાયતના રહેવાસી સિકંદર મંડલ તરીકે થઈ છે.

પ્રતીકાત્મક તસવીર

Crime News: બિહારના સુપૌલ જિલ્લામાં એક ચોંકાવનારી ઘટના સામે આવી છે. જિલ્લાના પીપરા પોલીસ સ્ટેશન વિસ્તારના બેલા ટોલની આ ઘટના છે. શનિવારે રાત્રે પરિણીત મહિલાને મળવા આવેલા પ્રેમીને ગ્રામજનોએ રંગે હાથ પકડ્યો હતોમોડીરાત્રે મળવા આવેલા યુવકને  ખૂંટે બાંધીને પહેલા માર માર્યો હતો. ત્યારપછી તેની આંખોમાં એસિડનો છંટકાવ કર્યો હતો. જોકે, આ દરમિયાન કોઈએ સ્થાનિક પોલીસને ઘટના અંગે જાણ કરી હતી. જે બાદ પોલીસ તાત્કાલિક ઘટનાસ્થળે પહોંચી હતી. જેના કારણે યુવકનો જીવ બચી ગયો હતો.

પોલીસે યુવકને કરાવ્યો હોસ્પિટલમાં દાખલ

પોલીસે ઘાયલ યુવકને ભીડમાંથી બચાવ્યો અને પછી તેને સારવાર માટે સદર હોસ્પિટલમાં દાખલ કર્યો. ઘાયલ યુવકની ઓળખ પીપરા પોલીસ સ્ટેશન વિસ્તારના પાથરા દક્ષિણ પંચાયતના રહેવાસી સિકંદર મંડલ તરીકે થઈ છે. બે દિવસ પહેલા રાત્રે તે બેલા ટોલના રહેવાસી ગીતા દેવીને મળવા ગયો હતો. જો કે, જ્યારે ગીતા દેવીના પરિવારજનોને આ વાતની જાણ થઈ તો પહેલા તેની સાથે મારપીટ કરવામાં આવી. ત્યારબાદ આંખોમાં એસિડ નાંખવામાં આવ્યું હતું.

એસપીએ વાતને નકારી કાઢી

પીડિત યુવક સિકંદર મંડલનું કહેવું છે કે તે ગીતા દેવીને આધાર કાર્ડ આપવા ગયો હતો. દરમિયાન તેના પરિવારજનોએ તેને માર માર્યો હતો અને તેની આંખોમાં એસિડ નાખ્યો હતો. જો કે, જ્યારે આ મામલામાં સુપૌલના એસપી ડી.અમર્કેશને પૂછવામાં આવ્યું તો તેમણે યુવકની આંખોમાં એસિડ નાખવાનો ઈન્કાર કર્યો હતો. તેમણે કહ્યું કે આ મામલાની તપાસ કરવામાં આવી રહી છે. જેઓ દોષિત હશે તેમની સામે કાર્યવાહી કરવામાં આવશે.

આરોપીઓની ધરપકડ માટે શું કરાયું

એસપીએ કાંડમાં આરોપીની ધરપકડ માટે એસડીપીઓ ઈન્દ્રકુમારના નેતૃત્વમાં એસઆઈટીની રચના કરવામાં આવી છે. એસપીએ કહ્યું, તાત્કાલિક કાર્યવાહી કરીને અશોક શર્માની ધરપકડ કરી લેવામાં આવી છે. બાકીના આરોપીઓને ટૂંક સમયમાં ઝડપી લેવાશે.