Crime News: ઈંટિમેટ સીન, પ્રણય ત્રિકોણ અને લગ્નનું દબાણ..... 5 સ્ટાર હોટલમાં યુવતિએ બોયફ્રેન્ડ સાથે મળી પ્રેમીને ઉતાર્યો મોતને ઘાટ

ગુવાહાટીમાં અઝારા હોટલના સ્ટાફે પુણે સ્થિત કાર ડીલર સુરેશ કાંબલી તેના રૂમના ફ્લોર પર પડેલો જોયો હતો. તેના નાકમાંથી લોહી નીકળતું હતું.

અંજલી શો, તેનો પ્રેમી અને બોય ફ્રેન્ડની તસવીર

Crime News: આસામના ગુવાહાટીમાંથી પ્રણય ત્રિકોણ અને હત્યાનો એક સનસનીખેજ મામલો સામે આવ્યો છે. જોકે પોલીસે ગણતરીના કલાકોમાં જ આરોપીને પકડી લીધા હતા. પોલીસને 42 વર્ષીય સંદીપ સુરેશ કાંબલીનો મૃતદેહ ગુવાહાટી એરપોર્ટ નજીક ફાઈવ સ્ટાર હોટલના રૂમમાંથી મળ્યો હતો. તે જ રાત્રે આરોપી અંજલિ શૉ (25 વર્ષ) અને તેના બોયફ્રેન્ડ રાકેશ શૉ (27 વર્ષ) કોલકાતા ભાગી જવાની ફીરાકમાં હતા, પરંતુ તેઓ એરપોર્ટ પહોંચે તે પહેલાં પોલીસે તેમને પકડી લીધા.

અંજલિ-કાંબલી એક વર્ષથી મિત્રો હતા

ગુવાહાટીમાં અઝારા હોટલના સ્ટાફે પુણે સ્થિત કાર ડીલર સુરેશ કાંબલી તેના રૂમના ફ્લોર પર પડેલો જોયો હતો. તેના નાકમાંથી લોહી નીકળતું હતું. મીડિયા રિપોર્ટ્સ અનુસાર, આરોપી અંજલિ શૉ કોલકાતા એરપોર્ટ પર એક રેસ્ટોરન્ટમાં કામ કરતી હતી અને એક વર્ષથી પુણેના બિઝનેસમેન કાંબલી સાથે રિલેશનશિપમાં હતી. કહેવામાં આવી રહ્યું છે કે બંને એરપોર્ટ પર જ મિત્રો બની ગયા હતા.

અંજલિ પહેલાથી જ રિલેશનશિપમાં હતી

રિપોર્ટ અનુસાર, અંજલિ શો પહેલાથી જ રાકેશ સાથે રિલેશનશિપમાં હતી. જ્યારે રાકેશે અંજલિ પર લગ્ન માટે દબાણ કરવાનું શરૂ કર્યું, ત્યારે તેણીને કાંબલી સાથેના સંબંધોમાં સમસ્યાઓનો સામનો કરવો પડ્યો. અંજલિએ પૂછપરછ દરમિયાન પોલીસને જણાવ્યું કે કાંબલીના ફોનમાં તેની કેટલીક અંગત પળોના ફોટા હતા. જ્યારે રાકેશને આ વાતની ખબર પડી ત્યારે બંનેએ આ ફોટા પડાવવાની યોજના બનાવી હતી. આ પછી અંજલિના કહેવા પર કાંબલીએ ગુવાહાટી એરપોર્ટ પાસેની એક ફાઈવ સ્ટાર હોટલમાં રૂમ બુક કરાવ્યો હતો.

રૂમમાં લડાઈ થઈ

રાકેશ અને અંજલી બંને ગુવાહાટી પહોંચી ગયા હતા. જો કે કાંબલીને મળતા પહેલા જ બંને અલગ થઈ ગયા હતા અને રાકેશે એ જ હોટલમાં પોતાના માટે રૂમ બુક કરાવ્યો હતો. આ પછી અંજલિ અને કાંબલી મળ્યા અને હોટલ પહોંચ્યા. જ્યારે કાંબલી અને અંજલિ રૂમમાં હતા, ત્યારે રાકેશ અંદર આવ્યો અને તેનાથી મામલો વધુ ખરાબ થઈ ગયો. પોલીસે જણાવ્યું કે કાંબલી અને રાકેશ વચ્ચે ઝઘડો થયો જેમાં કાંબલી ઘાયલ થયો. આ પછી, તેને એવી જ હાલતમાં છોડીને અંજલિ અને રાકેશ ત્યાંથી ભાગી ગયા અને કાંબલીના બે ફોન પણ સાથે લઈ ગયા, જેમાં કથિત રીતે ઈન્ટિમેટ ફોટોગ્રાફ્સ હતા.

આ રીતે પોલીસે કેસનો ભેદ ઉકેલ્યો

દોડતી વખતે રાકેશે હોટલના રિસેપ્શન પર ફોન કરીને સંદીપની ઈજા વિશે જાણ કરી હતી. આ પછી હોટલના સ્ટાફે પોલીસને ઘટનાની જાણ કરી. જોકે, ત્યાં સુધીમાં કાંબલીએ જીવ ગુમાવ્યો હતો. પોલીસે ઘટનાસ્થળે પહોંચીને મૃતદેહનો કબજો લીધો હતો અને પછી રજીસ્ટરથી લઈને સીસીટીવી સુધીની દરેક વસ્તુની તપાસ કરી હતી. આ પછી અંજલિ અને તેના પ્રેમી રાકેશની કોલકાતાની ફ્લાઈટમાં ચઢતા પહેલા જ ધરપકડ કરવામાં આવી હતી.