યુપીઃ ભાઇના લગ્ન માટે પરિવાર ખરીદી કરવા ગયો અને ઘરે બે બહેનોને કોઇએ જીવતી સળગાવી દીધી

ઘટનાની માહિતી મળતા જ પોલીસ ત્યાં પહોંચી અને બન્ને મૃતદેહોને પૉસ્ટમોર્ટમ માટે મોકલી દેવામાં આવ્યા હતા. શીલુના ગળામાં ક્લચ વાયર બાંધેલો મળ્યો છે. પોલીસ પણ ગળુ દબાવીને હત્યા કર્યા મૃતદેહોને સળગાવી દેવાની વાત માની રહી છે.

1લી ફેબ્રઆરીએ રાહુલના લગ્નના સામાનની ખરીદી કરવા માટે આખો પરિવાર દિલ્હી ગયો હતો. તે દરમિયાન ઘરવાળા શિવાની અને તેના મામાની છોકરી શીલુને ઘરે મુકીને ગયા હતા, પણ જ્યારે મોડી રાત્રે તેઓ પાછા ફર્યા ત્યારે ઘરના રૂમમાં બન્નેના મૃતદેહ અડધી સળગેલી હાલતમાં પડ્યા હતા, રૂમમાં આગ લાગેલી હતી.