VALSAD : પ્રખ્યાત ગાયિકા વૈશાલી બલસારાનો શંકાસ્પદ હાલતમાં મૃતદેહ મળી આવ્યો, હત્યા અંગે અનેક તર્ક-વિતર્ક
Vaishali Balsara Murder Case : વલસાડ જિલ્લાના પારડી તાલુકાના પાર નદી કિનારે એક કારમાં વલસાડની ગાયિકા વૈશાલી બલસારાનો શંકાસ્પદ હાલતમાં મૃતદેહ મળી આવ્યો હતો.
VALSAD : વલસાડમાં પ્રખ્યાત ગાયિકા વૈશાલી બલસારાનો મૃતદેહ મળી આવતા ચકચાર મચી ગઈ છે. વલસાડ જિલ્લાના પારડી તાલુકાના પાર નદી કિનારે એક કારમાં વલસાડની ગાયિકા વૈશાલી બલસારાનો શંકાસ્પદ હાલતમાં મૃતદેહ મળી આવ્યો હતો. સ્થાનિક લોકોએ અજાણી કારને ઘણા સમયથી ઉભેલી જોઈને ઘટનાની જાણ પારડી પોલીસને કરી હતી, જેથી પારડી પોલીસે ઘટના સ્થળે જઈને ચેક કરતા કારમાંથી હત્યા કરેલી હાલતમાં મૃતદેહ મળી આવ્યો હતો.
પારડી પોલીસે તાપસ કરતા આ મૃતદેહ વલસાડની ગાયિકા વૈશાલી બલસારાનો હોવાનું જાણવા મળ્યું હતું. વૈશાળીના પતિએ ગત રોજ વૌશાલી ઘરેથી ગુમ થઈ હોવાની નોંધ કરાવી હતી. પોલીસે મૃતદેહનો કબ્જો મેળવી આગળની તપાસ હાથ ધરી છે.
હત્યાના કારણ અંગે અંક તર્ક-વિતર્ક
વલસાડની ગાયિકા વૈશાલી બલસારાનો શંકાસ્પદ હાલતમાં મૃતદેહ મળી આવતા આ હત્યા અંગે અનેક તર્ક-વિતર્ક થઇ રહ્યાં છે. એક કારણ એવું પણ આપવામાં આઈ રહ્યું છે કે પૈસાની લેવડ-દેવડ અંગે હત્યા કરવામાં આવી હોઈ શકે છે.
વલસાડ પોલીસે શરૂ કરી તાપસ
હાલ પારડી પોલીસ વધુ તપાસ કરી રહી છે અને ડોગ સ્ક્વોડ તેમજ FSLની પણ મદદ લેવામાં આવી છે. વલસાડ એસપી સહિતના ઉચ્ચ અધિકારીઓ ઘટના સ્થળે પહોંચ્યા હતા. આ મામલે પોલીસ દ્વારા ઊંડી તપાસ હાથ ધરાઈ છે અને એસઓજી સહિતની એજન્સીઓ તપાસમાં જોડાઈ છે.
વિદેશમાં પણ શો કરી ચુકી છે વૈશાલી
વૈશાલી બલસારા દક્ષિણ ગુજરાતની ખુબજ જાણીતી ઓર્કેસ્ટ્રા સિંગર છે. ગરબા સમયે ઓર્કેસ્ટ્રામાં વૈશાલીનું આગવું સ્થાન રહેતું.
વૈશાલી વિદેશ માં પણ શો કરી ચુકી છે.એમના પતી હેરી બલસારા પણ ઓર્કેસ્ટ્રામાં ગિટાર વગાડે છે.હાઇ પ્રોફાઇલ મર્ડર કેસ વલસાડ જિલ્લામાં ટોક ઓફ ધ ટાઉન બન્યો છે.
ટ્રેન્ડિંગ સમાચાર
ટોપ સ્ટોરી
